O delegado do Goberno sinalou a complexidade das negociacións, das que dixo saír satisfeitos dada a importancia que a pesca ten para a economía de moitas familias galegas e da propia comunidade
Foz , 12 de decembro de 2023. O delegado do Goberno en Galicia, Pedro Blanco, celebrou o acordo conseguido polo Goberno no marco do consello de ministros de Pesca da UE que eleva 10,5% as capturas de pescada para España, ata as 11.000 toneladas, o que supón a cifra máis importante do século e un pulo para a flota pesqueira galega, unha das máis importantes da Unión.
En palabras do delegado, “trátase dun acordo histórico froito dunha longa, complexa e difícil negociación da que saímos moi satisfeitos, pois estamos a cumprir cun sector do que viven centos de familias na nosa comunidade e que é vital para a economía de moitas vilas mariñeiras”.
Pedro Blanco fixo estas declaracións durante unha visita esta mañá en ás instalacións de Pescados Rubén, grupo líder no sector pesqueiro, onde destacou o apoio á modernización e innovación de sectores tradicionais como a pesca para o crecemento e a internacionalización das empresas galegas. No acto estivo acompañado da subdelegada do Goberno en Lugo, Isabel Rodríguez; o alcalde de Foz, Francisco Cajoto; a alcaldesa de Burela, Carmela López; e o xerente da empresa, Manolo Blanco, así como membros do seu equipo directivo.
Pedro Blanco salientou o compromiso do Goberno co sector pesqueiro, “fundamental para a economía de Galicia e de territorios como A Mariña, unha actividade que supón o 7% do PIB”. O delegado subliñou que Pescados Rubén “é un claro exemplo do apoio do Goberno de España ás empresas galegas a través do Plan de Recuperación, unha constatación de que os recursos están chegando a todos e cada un dos sectores, facilitando a transformación do tecido empresarial galego e lucense”.
Na visita ás instalacións, supervisáronse varios proxectos financiados polo Goberno en materia de innovación e modernización, “iniciativas que superan os máis de 500.000 euros en axudas e que demostran o compromiso do Goberno cun sector vital para Galicia, que seguirá nesta nova lexislatura da man do ministro Planas para responder aos desafíos do presente e do futuro”.
Proxectos financiados
En concreto, os fondos asignados posibilitaron a construción da liña que completa o túnel de conxelación, con capacidade para xestionar máis de 100.000 kg de peixe ao día. Tamén se introduciu un novo sistema de produción para elaborar hamburguesas de peixe, e actualmente están a traballar desde o departamento de I+D+i na implementación dun plan de marketing para captación de clientes a nivel internacional co fin de aumentar a exportación.
Referencia empresarial
Pedro Blanco agradeceu ao xerente, Manolo Blanco, e a todo o equipo o recibimento, dando “os meus parabéns por todo o traballo ao longo destes case 40 anos”, lembrando así mesmo os seus inicios “como empresa familiar que a través de moito esforzo conseguiu consolidarse como referencia na distribución e comercialización de peixe, tanto no mercado nacional como internacional”, remarcou.
Ademais, puxo en valor á empresa como “referencia para o empresariado do país, combinando eficiencia, sustentabilidade e rendibilidade”, asegurando tamén que “seguiredes contando co noso apoio, porque este Goberno é o mellor aliado para as empresas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
