Ribadeo, 20 de decembro de 2023. Os establecementos hostaleiros de Ribadeo poderán abrir dúas horas máis durante o Nadal grazas a Acisa. Tamén poderán facelo en datas sinaladas ao longo do vindeiro ano 2024.
A presidenta de Acisa, Carmen Cruzado, declarou: “parécenos moi interesante poder ofrecerlle este servizo os nosos asociados e asociadas, deste xeito dáselles a oportunidade de poder traballar mais horas durante a celebración destas datas de Nadal onde as ceas de traballo, de amigos e de familia son moitas e as ganas de festexar e celebrar son aínda mais. Deste xeito tamén a veciñanza poderá gozar de mais horas de lecer na nosa hostalería. Nestas datas de Nadal, especialmente na noite de fin de ano, queremos animar ás veciñas e veciños de Ribadeo e da nosa contorna, a desfrutar das festas e do ocio nocturno na nosa hostalería. Ribadeo conta cunha gran oferta de ocio nocturno na que poder gozar, sen necesidade de celebrar festas en pisos ou en casas que poden resultar molestas así como evitar os botellóns, que como todos sabemos non se poden facer. Ribadeo ten moito que ofrecer, tamén as noites, onde atopamos locais cun ambiente impecable, con persoal cualificado e trato amable, e por iso animamos a todas e todos a desfrutar destas datas na nosa hostalería”.
Segundo explicou o xerente de Acisa, Jesús Pérez “os locais hostaleiros contan con dúas horas máis de actividade con motivo da das festas de Nadal grazas a Acisa. Ademais, como xa estanmos a piques de comezar o 2024, no dia de hoxe comunicámoslles tamén as ampliacións das que poderán desfrutar ao logo do novo ano, que xa foron solicitadas e concedidas polo Concello, e que incluso se prevé ampliar en determinadas datas ao longo do 2024. Os locais hostaleiros gozarán dunha ampliación de 2 horas mais sobre o seu horario habitual de licenza. As ampliacións segundo licenza son as seguintes: os bares e cafeterías poderán pasar de pechar ás 02:30 a facelo ás 04:30 horas, as discotecas e salas de festas poden pasar das 06:00 ás 08:00 e os pubs das 04:00 ás 06:00 da madrugada”.
Pérez Prada indicou que “grazas a esta autorización tramitada pola nosa asociación estamos a falar de que estas ampliacións horarias poderanse desfrutar durante o Nadal. Trátase de todas as madrugadas do 22 ao 31 de decembro, a madrugada do 31 de decembro ao 1 de xaneiro, con motivo de ano vello, e todas as madrugadas do 1 ao 7 de xaneiro”.
E engadiu que “para o ano 2024 as madrugadas do xoves 8 (Xoves de Entroido) ao 14 de febreiro (mércores de Cinza).A madrugada do 17 o 18 de febreiro, que é o sábado da Queima do Entroido en Ribadeo. As madrugadas do dia 23 de marzo (véspera de domingo de Ramos) a do domingo 31 de marzo (domingo de Resurrección) con motivo da Semana Santa. As madrugadas do 16 ao 17; do 17 o 18 e do 18 ao 19 de maio con motivo da festividade das Letras Galegas. As madrugadas do 12 ao 14 de xullo, datas nas que se celebrará o Ribadeo Indiano. A madrugada do dia 24 ao 25 tamén de xullo, con motivo da festividade do Apóstolo. As madrugadas do dia 14 ao dia 18 de agosto con motivo das festas de San Roque. As madrugadas do 1 de setembro ao 8 de setembro, datas das festas patronais. As madrugadas do dia 11 ao 13 de outubro, con motivo da ponte do Pilar. As madrugadas do dia 31 de outubro ao 3 de novembro, con motivo do dia de Tódolos Santos. As madrugadas do dia 5 ao 8 de decembro, que será a ponte da Constitución e as madrugadas do dia 22 de decembro ao 31 de decembro, con motivo de Nadal de 2024”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
