Viveiro, 15 de decembro, 2023. Por fin está aquí. O gran anuncio de cartel de Resurrection Fest Estrela Galicia 2024 chegou cun dos line ups máis grandes e ambiciosos que o festival xamais tivese. Un total de oitenta e nove bandas súmanse ao primeiro anuncio do capítulo XIX de Resurrection Fest Estrela Galicia. Más de sesenta delas xamais actuaron no festival e dezasete xamais visitaron o noso país. Un anuncio con moitos dos máis grandes nomes do metal, do punk, do rock e do hardcore a nivel mundial repartidos nos seus catro escenarios.
Unha das bandas máis demandadas polos fans do festival ao longo da súa historia: os americanos Avenged Sevenfold estarán por fin en Viveiro. M Shadows e os seus descargarán un dos concertos máis espectaculares que hai hoxe en día no mundo sobre o Main Stage do festival galego. Éxitos como “Nightmare”, “Hail To The King” ou “Afterlife” soarán en Viveiro por vez primeira no que promete ser un dos concertos máis memorables da historia do festival.
Os ingleses Bring Me The Horizon serán outros das grandes cabezas de cartel de Resurrection Fest Estrela Galicia. Os de Sheffield son unha das bandas máis amadas polos fans do festival e sen dúbida darán un dos concertos máis memorables da futura edición do festival.
Os canadenses Sum 41 son tamén una das bandas máis queridas polos fans do festival. Na súa xira de despedida, a banda non quixo separarse sen actuar en Resurrection Fest Estrela Galicia. Sen dúbida unha oportunidade única para despedirse dunha das bandas que máis marcaron aos fans do punk rock no século XXI. “Fat Lip”, “The Hell Song”, “In Too Deep” ou “Still Waiting” farán botar ás decenas de miles de persoas que gozarán dun dos últimos concertos da historia da banda.
Alice Cooper, unha das lendas máis grandes da historia do hard rock e o heavy metal é outro das grandes cabezas anunciados hoxe. Toda unha lenda da cultura popular que traspasa estilos e fronteiras estará na vila lucense. Un novo fito por parte do festival que volve situar Galicia como un dos epicentros do rock, do metal e do punk a nivel mundial.
A banda de punk rock estadounidense máis popular da historia estará en Viveiro este ano. The Offspring é outro das grandes cabezas de cartel de Resurrection Fest Estrela Galicia 2024. Dexter Holland, Noodles e o resto da banda californiana estarán en Galicia para facer corear a miles de fans con grandes éxitos como “Self Esteem”, “The Kids Aren’t Alright” ou “Americana” soarán este ano moi alto no Main Stage.
Outra das bandas máis grandes do thrash e o groove metal estarán en Resurrection Fest Estrela Galicia por primeira vez na súa historia: os norteamericanos Machine Head, unha das bandas máis demandadas por parte do público do “Resu” non se quixeron perder a maior cita co metal e o rock de todo o país. Será o primeiro festival no que actuarán no noso país desde 2012 e traerán toda a súa produción completa para facer as delicias dos seus fans.
Dave Mustaine é outra das grandes figuras do metal a nivel mundial e volveranos a visitar xunto a Megadeth en 2024. Unha das bandas máis grandes da historia do metal foi anunciada hoxe tamén polo festival galego. Todo un privilexio ter a unha das catro grandes bandas do thrash metal.
Bruce Dickinson, o cantante de Iron Maiden non necesita presentación. Virá co seu último disco en solitario “The Mandrake Project” debaixo do brazo. A volta do inglés a Galicia é un dos acontecementos do ano para toda a comunidade fan do metal en España, xa que hai 22 anos do seu último concerto no noso país.
Unha das máis grandes bandas do metalcore do mundo, Bad Omens, tamén actuarán no Main Stage de Resurrection Fest Estrela Galicia en 2024. Será a súa primeira visita a España pero sen dúbida que o seu concerto encantará aos miles de fans que cada ano piden a súa inclusión neste cartel.
Outro líder que nos visitará este ano será Corey Taylor presentando o seu último disco “CMF2”. O americano visitounos cos seus outros proxectos Slipknot e Stone Sour. Esta vez farao en solitario co mellor de toda a súa carreira. Outra das grandes @estrella do metal a nivel mundial non quixo perderse o mítico festival.
Tras os seus recentes sold outs en Barcelona e en Madrid, as xaponesas BABYMETAL estarán en Resurrection Fest Estrela Galicia por primeira vez. As miles de persoas que esgotaron as súas entradas esta mesma semana en España dan conta do enorme espectáculo do que son capaces. A banda promete traer un espectáculo aínda maior para Resurrection Fest Estrela Galicia.
Electric Callboy son unha das bandas máis queridas polo público de Resurrection Fest Estrela Galicia. Unha das bandas máis en forma do metalcore europeo é outra das bandas que forman este anuncio. Os rusos Slaughter To Prevail, liderados por Alex Terrible, son outra das bandas confirmadas. Sen dúbida, un dos maiores expoñentes do deathcore a nivel mundial e cun dos directos máis brutais.
As lendas do heavy metal alemán Accept estarán por primeira vez en Viveiro tras case 50 anos de carreira. Unha das bandas nadas en Europa máis grandes do heavy metal son outro dos grandes nomes do anuncio feito polo festival galego. Fear Factory, estandartes do metal industrial, regresan nove anos despois ao Resurrection Fest Estrela Galicia.
Os neerlandeses Delain son unha das maiores bandas de metal sinfónico do mundo. Outros das grandes bandas que se apuntan á cita galega co metal. Os que tampouco lla quixeron perder son Sôber son a súa xira de 30 aniversario no que tamén farán un repaso aos seus mellores temas de Zume e Skizoo.
Os finlandeses Finntroll traerán o seu folk metal a Resurrection Fest Estrela Galicia 2024 como traerán o seu metalcore os xaponeses Crystal Lake. Quen puido verlles en directo poden asegurar da potencia do seu directo. Unha banda moi amada polos fans do festival.
Completan a programación do Ritual Stage Counterparts, Imminence, Shadow Of Intent, Hanabie, O Reno Renardo, Solence, Ankor, Jiluka, Lovebits, Urne, Crypta , Heriot, Sanguisusabogg, Ithaca , Gnosis, Nakkeknaekker, Noctem, Rise to fall, Teksuo , Bolu2 Death , Donuts Hole, Fallen At Dawn, Perpetual e Balmog.
Neste grandísimo anuncio de bandas tamén trouxo grandísimos nomes internacionais e nacionais ao Chaos Stage. Nomes como Biohazard, quen actuará coa súa formación orixinal en Resurrection Fest Estrela Galicia 2024. Os canadenses Comeback Kid unha das bandas máis queridas polos amantes do hardcore volve ao que é un dos seus festivais favoritos.
As lendas do hardcore punk neoyorkino Cro-Mags estarán no festival tras non poder facelo na cancelada edición de 2020. O dúo inglés Bob Vylan e a súa proposta afiada con elementos do punk e o hip hop son outro dos grandes nomes do Chaos Stage para o próximo 2024.
Lendakaris Mortos, unha das bandas de punk rock máis importantes do país estarán a presentar o seu novo disco en Resurrection Fest Estrela Galicia. Os americanos Scowl, liderados por Kat Moss, demostrarán co seu directo por que son un dos grandes nomes do novo hardcore a nivel mundial.
O Chaos Stage tamén contará cos confirmados Drug Church, Sons Of Aguirre & Scila, Speed Death Before Dishonor, Zulo, Rolo Tomassi, Harm’s Way, Judiciary, A Inquisición, Future Palace, Me Fritos & The Gimme Cheetos, The Black Panthy’s Party, Proudz, Bellako, Frankture, Astray Valley, Aneuma e Death & Legacy.
O Desert Stage tamén confirmou os seus primeiros grandes nomes para a próxima edición de Resurrection Fest Estrela Galicia 2024. Os suecos Graveyard ofrecerán un concerto antolóxico cheo de éxitos. Unha das bandas máis importantes do hard rock / stoner do mundo estará a encabezar o xa mítico cuarto escenario do festival. Unha das bandas máis míticas para os fans dos sons desérticos, Corrosion Of Conformity, estarán no festival demostrando por que son cabezas de serie do seu xénero desde 1982.
Matt Pike e os seus High On Fire tamén visitarán por vez primeira o Desert Stage e Galicia. Unha das bandas máis amadas por todos aqueles que creceron con Black Sabbath e números uno do seu xénero a nivel mundial. Tamén os ingleses Maybeshewill demostrarán por que son un das bandas máis importantes de post rock a nivel mundial.
Completan a programación anunciada do Desert Stage bandas como Twin Amorne, Dool, Royal Thunder, Nashville Pussy, Green Lung, Bokassa, Winterfylleth, Khemmis, Heretoir, Mol, Hexis, The Lizards, A Escavadora, Sandford Music Factory e The Electric Alley.
No seu decimonovena edición, Resurrection Fest Estrela Galicia volverá contar co apoio e participación de Xunta de Galicia, Deputación de Lugo e do Concello de Viveiro. Unha axuda inestimable para que o festival sexa, un ano máis, un dos máis grandes festivais do país e toda unha referencia a nivel mundial.
Estrela Galicia volverá estar presente como principal patrocinador privado. A marca galega leva presente no festival desde a súa primeira edición e volverá ser un activo importantísimo na experiencia de todo o público.
O próximo 26 de xuño de 2024 arrinca Resurrection Fest Estrela Galicia: Chapter XIX A New Dimension. Catro días de festival cos catro escenarios funcionando coa súa produción completa desde o mércores 26. Más de cen bandas nun recinto totalmente tematizado. Nunha contorna paradisíaco en metade da natureza, unha gastronomía incrible e un clima inigualable. A experiencia total Resurrection Fest Estrela Galicia volverá celebrarse os próximos 26, 27, 28 e 29 de xuño en Viveiro, Lugo, Galicia.
Tras unha primeira saída á venda previa ao anuncio do line up no que as entradas se esgotaron en apenas unhas horas, o vindeiro luns 18 de decembro ás 13h poñeranse á venda o resto de abonos para a edición de 2024 de Resurrection Fest Estrela Galicia a través da súa páxina web www.resurrectionfest.es
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
