Os populares cren que administración local ten que corrixir o trato dado a esta entidade, pois “dicir que, coa axuda de 15.000 euros da Deputación xa chega para por en valor o traballo desenvolvido a longo de tantos anos, parécenos un desprezo. O Viveiro é algo máis que isto. É toda unha institución para a cidade e mesmo para A Mariña”, remarca Gueimunde
Viveiro, 19 de decembro de 2023. O PP pide ao goberno local que se recoñeza a traxectoria do Viveiro Club de Fútbol polo seu centenario coa distinción de honra que marca o regulamento do Concello. Segundo explica a voceira Mariña Gueimunde, trátase dunha condecoración “máis que merecida” dada a relevancia histórica, social e deportiva que a entidade deportiva ten “e que foi demostrando ao longo de todos estes anos, sendo o berce de moitos deportistas que se educaron nos valores do esforzo, a solidariedade”.
Os populares cren que a entidade local ten que corrixir o trato dado a este clube, pois “dicir que, coa axuda de 15.000 euros da Deputación xa chega para por en valor o traballo desenvolvido a longo de tantos anos, parécenos un desprezo. O Viveiro é algo máis que isto. É toda unha institución para a cidade e mesmo para A Mariña”, remarca Gueimunde.
TRAXECTORIA IMPECABLE
O equipo viveirense é o segundo club da provincia de Lugo (tralo Ribadeo 1913) en acadar os 100 anos, e é un dos seis equipos de fútbol máis antigos de Galicia, despois do RC Deportivo de La Coruña , o RC Celta de Vigo, o Racing de Ferrol e o Rápido de Bouzas, entre outros.
Nacía o 23 de novembro de 1923, polo que, hai unhas semanas, cumpriu de xeito efectivo o aniversario do centenario sen que por parte do goberno local se teña feito ningún acto institucional conmemorativo para “unha efeméride tan significativa para o deporte local”.
“O rico patrimonio cultural, deportivo, social e histórico do que pode enorgullecerse esta cidade merece ter un recoñecemento por parte da administración que nos representa a todos, que ten ademais que velar polo seu mantemento e conservación para que poida seguir sendo un referente para as xeracións futuras”, insiste Gueimunde, pois, engade, “o Viveiro CF é sen dúbida un representante dese rico patrimonio, un clube que con esforzo altruísta de moitos viveirenses, permitiu de maneira continuada ata os nosos días a práctica do deporte nesta cidade a moitas xeracións que se sentían e senten orgullosos de pertencer a unha sociedade deportiva que ven levando o nome de Viveiro por toda España”, afirma a popular.
Por este motivo, lamenta que o goberno local non recoñeza a importancia de ter unha traxectoria ininterrompida de cen anos; “todos sabemos do excepcional que resulta no mundo do deporte”, conclúe.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
