Os populares reaccionan con contundencia á incertidume xerada logo de que o Executivo fixera pública a denegación dos fondos europeos para este proxecto que é decisivo para a descarbonización das fábricas e os medios de transporte
Guitiriz, 2 de decembro de 2023. Os deputados galegos na Cámara Baixa e no Parlamento de Galicia, acompañados da presidenta provincial, Elena Candia, dos senadores lucenses, dos voceiro na Deputación e no Concello de Guitiriz, piden a comparecencia no Congreso da ministra de Transición Ecolóxica e Reto Demográfico, Teresa Ribera, para que o Goberno aclare as previsións que manexa respecto do proxecto para a construción dun corredor de hidróxeno verde que conectaría a Península Ibérica con Francia e Alemaña. Así o adiantaron este sábado logo da incertidume xerada ao facerse público por parte do Executivo a denegación dos Fondos Next Generation a cinco proxectos galegos e que son decisivos para a descarbonización das fábrica e os medios de transporte.
A presidenta provincial, Elena Candia, lamenta “que quedar fora da rede de hidróxeno é un hito negativo máis que ten a nosa provincia que nos temos a obriga de denunciar e, sobre todo, pedir que se rectifique”
Segundo explicou Francisco Conde as declaracións contraditorias do Goberno fan saltar todas as alarmas, trasladando así a preocupación coa que se recibiu esta noticia no PPdeG e no PP de Lugo. Deste xeito, as iniciativas presentadas van encamiñadas, precisamente, a que o Executivo “aclare porque este proxecto foi excluído dos fondos europeos pero, sobre todo tamén, que poda concretar cales van a ser os pasos que vai a dar o Goberno para que este proxecto poda ser unha realidade”.
Por outra banda, pídelle tanto á ministra como a Gómez Besteiro “rigor e humildade”. “Á ministra para que concrete cales van a ser as datas de construción do hidroducto e cales van a ser as vías de financiamento xa que é o que están pedindo os inversores; e a Gómez Besteiro porque cando hai que falar de proxectos hai que falar con documentos Hai documentos asinados por parte da Xunta de Galicia con Enagás e o Goberno sabe perfectamente cal é o proxecto e a importancia que ten”. “A ambigüidade e a falta de concreción pode ser un lastre para o desenvolvemento do H2 en Galicia”, alerta o deputado no Congreso.
GALICIA NON LLE DEBE NADA A SÁNCHEZ
“Ata o día de hoxe, en palabras de Conde, seguimos sen deberlle nada a este Goberno. Todo o que lle afecta ao futuro de Galicia ou o corta, ou o reduce ou o anula”. E é que tal e como xa dixo o presidente da Xunta, Alfonso Rueda, os proxectos H2POLE (As Pontes), H2 MEIRAMA (Cerceda) e ARTEIXO H2V (Arteixo), cun investimento superior aos 250 M€, poderían ver seriamente afectada a súa viabilidade por mor desta decisión do Estado de non defender a súa inclusión no proxecto de corredor de hidróxeno europeo. “Iso sen entrar a valorar outros proxectos que poderían asentarse en Galicia de contar con esta conexión”, sinalou.
Pola contra, e dado que a posta en marcha destas importantes plantas de xeración de hidróxeno verde no país require do apoio institucional de todas as administracións, tanto local, autonómica, como nacional, puxo en valor que a Xunta de Galicia deseñase a Alianza Industrial do Hidróxeno Verde que agrupa a máis de 700 empresas, institucións e axentes sociais co fin de actuar en cinco eixos principais: deseñar a implementación de ferramentas específicas e instrumentos de apoio ao desenvolvemento do sector industrial do hidróxeno, identificar oportunidades, promovela formación especializada nas empresas, fomentar a investigación e o desenvolvemento de solucións innovadoras para a industria arredor do hidróxeno verde e impulsar a necesidade de establecer a infraestrutura necesaria para a posta en marcha.
PETICIÓNS NECESARIAS E CONCRETAS
Os populares consideran prioritario, ademais, que o Executivo facilite e priorice que Enagás poida acometer os investimentos necesarios para a conexión galega na conformación dun proxecto común do corredor atlántico de hidróxeno verde; defender ante a UE a necesidade de financiar con fondos europeos o hidroduto Guititiz–Zamora, atendendo a todos e cada un dos programas e instrumentos dispoñibles no marco da transición verde; habilitar nos próximos Presupostos Xerais do Estado, mediante o correspondente programa plurianual, os fondos nacionais que resulten necesarios para facer posible o hidroduto en igualdade de condicións respecto do resto de proxectos que si foron incluídos no PCI aprobado pola Comisión Europea, a fin de contribuír a unha maior eficiencia no desenvolvemento da transición enerxética no conxunto de España; e habilitar as modificaciones normativas que resulten precisas para que o proxecto Guitiriz-Zamora goce das mesmas vantaxas de tramitación administrativa que o resto de iniciativas que si están contempladas no PCI aprobado pola Comisión Europea, a fin de contribuír a unha maior eficiencia da transición enerxética en España.
ANTECEDENTES
16 de decembro de 2022, o Goberno anuncia a candidatura do proxecto coñecido como “H2Med” dentro dos proxectos de Interese Común (PCI, polas súas siglas en inglés), para recibir financiamento europea, abandonando definitivamente o proxecto de interconexión gasista MidCat. O obxectivo, segundo o Executivo, era converter a España no primeiro hub de hidróxeno renovable do mundo, incorporando os primeiros eixos da rede de tubaxes nacionais que permitirían conectar algúns centros de produción de hidróxeno verde coa demanda doméstica e as dúas interconexións internacionais con Francia e Portugal á que se uniría, semanas despois, Alemaña.
24 de xaneiro de 2023, a ministra de Transición Ecolóxica e Reto Demográfico anuncia, logo do Consello de Ministros que Galicia e o hidroduto Guitiriz–Zamora non quedaría fóra da proposta española elevada á UE para a obtención de fondos europeos.
2 de febreiro de 2023, o Grupo Parlamentario Popular rexistra unha Proposición Non de Lei para na que insta ao Goberno á inclusión do referido proxecto do hidroduto entre Guitiriz e Zamora dentro do Proxecto de Interese Común da UE, presentado ás institucións comunitarias e, en particular, instando a facilitar o acordo entre Reganosa e Enagás para a conformación dun proxecto común do corredor atlántico do hidróxeno verde.
28 de novembro de 2023, a Comisión Europea anuncia que, na proposta que presentara ao Consello e a Eurocámara para a súa aprobación en 2024, segundo a cal o hidroduto H2Med e a súa rede troncal formarían parte da lista de 166 proxectos enerxéticos de interese estratéxico para a UE e poderían optar a subvencións europeas con carácter prioritario, o treito Guitiriz-Zamora queda excluído ao ser cualificado como «non elixible», converténdose na única iniciativa que quedou fóra da rede troncal española de hidrodutos que formará parte do mapa europeo do hidróxeno verde.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
