O galardón, que recolleu a rexedora, Dolores García Caramés, foi outorgado por AGAXEDE, na categoría de municipios de menos de 15.000 habitantes
Cervo, 19 de decembro de 2023. O Concello de Cervo vén de recibir o premio á mellor xestión deportiva na categoría de municipios de menos de 15.000 habitantes, que outorga AGAXEDE (Asociación Galega de Xestión Deportiva).
A rexedora, Dolores García Caramés, recolleu o galardón, acompañada polo edil de Deportes, David Rodríguez, na gala dos XIV Premios Galicia á Xestión Deportiva, que se celebrou na Coruña no marco do I Encontro da Xestión Deportiva de Galicia, que reuniu a un cento de persoas vencelladas a este mundo.
Na súa intervención, a alcaldesa agradeceu o recoñecemento e sinalou que “é un orgullo como alcaldesa poder recoller hoxe este premio que comparto especialmente con todos os deportistas e os clubs deportivos locais que son os principais artífices de que Cervo sexa referente nesta faceta”.
Neste senso, Caramés puxo de manifesto que somos un Concello privilexiado en instalacións …Coa única piscina olímpica da provincia, e tamén por exemplo coas únicas pistas de atletismo homologadas da Mariña luguesa que é a última instalación que vimos de inaugurar o pasado outubro…pero tamén privilexiado, especialmente, pola implicación dos clubs, dos deportistas locais e da veciñanza, -apostillou- que son os principais responsables de encher de vida eses espazos…que é ao final o máis importante…Que teñan vida propia”.
En cifras, a rexedora destacou que nos últimos dous anos “destinamos 1.800.000 euros á xestión deportiva municipal, entre subvencións anuais para axudar aos diferentes clubs, a programación de eventos, ou gastos de mantemento e construción de instalacións de primeiro nivel o que dá conta da importancia que ten o deporte en todas as súas facetas na axenda do goberno local”.
Caramés apuntou que é un recoñecemento que nos anima a seguir no mesmo camiño, comprometidos co deporte, e que nos fai ademais “especial ilusión porque todos os premiados levan un anaquiño de Cervo”, en alusión a que o premio foi unha figura de cerámica de Sargadelos e un diploma acreditativo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
