A xuntanza tivo lugar no local da Asociación de Mariñeiros Xubilados e Afíns, coñecido como “A Moncloa”, e asistiron 15 persoas para traballar sobre a mobilidade
Burela, 19 de decembro de 2023. O Concello de Burela celebrou o obradoiro de participación ‘Novas estratexias de mobilidade para Burela’, como parte dos traballos de elaboración do Plan de Mobilidade Urbana Sustentable (PMUS) do municipio.
A xuntanza tivo lugar no local da Asociación de Mariñeiros Xubilados e Afíns de Burela coñecido como “A Moncloa”. O Concello agradece á asociación que esta ofrecese a súa colaboración prestando o seu local.
Ao obradoiro achegáronse 15 veciños e veciñas de diferentes idades, e formáronse tres grupos heteroxéneos de traballo, buscando representatividade de diversos sectores da poboación en canto a idade, xénero e ocupación.
A alcaldesa de Burela, Carmela López, explica que “o Plan de Mobilidade servirá para detectar e dar solucións ás distintas problemáticas relacionadas coa seguridade, coa accesibilidade, ou cos conflitos de tráfico e de estacionamento”.
Establecéronse tres mesas en torno a distintos aspectos da mobilidade no concello, nas que se debateu, co acompañamento do persoal técnico, en torno a diversas temáticas.
Por unha banda, debateuse sobre “A cidade como espazo para a rapazada”. Nesta mesa avaliouse a mobilidade de Burela dende a perspectiva da mocidade: os seus percorridos habituais en torno aos centros escolares e áreas de xogo… Buscáronse maneiras de mellorar estes percorridos.
Por outra banda, debateuse sobre “Eficiencia no estacionamento”. Avaliáronse as necesidades de estacionamento en torno aos principais nodos de mobilidade, tratando de valorar as distancias e os percorridos que unen estes estacionamentos cos puntos de actividade próximos. Propúxose tamén un escenario de déficit 0 de prazas.
Finalmente tivo lugar tamén a mesa “Proposta aberta”. Sobre a base das propostas recollidas durante as fases de participación anteriores, como as entrevistas e a enquisa, recolléronse novas propostas relacionadas coa mobilidade e o espazo público do concello, priorizándose aquelas que as persoas participantes consideraron máis importantes.
Durante esta xornada realizáronse tamén distintos traballos técnicos. Fixéronse medicións dos fluxos circulatorios e de persoas en distintos puntos do municipio, e estudouse a saturación das principais zonas de estacionamento en distintas horas do día. Avaliáronse tamén as situacións de entrada e saída dos colexios e institutos nas horas punta da mañá e do mediodía.
As aportacións da poboación a través do proceso participativo, explica Carmela López, “contrastaranse coas análises técnicas para dar como resultado unha proposta coordinada de varias accións, as cales serán implementadas polo Concello nos próximos anos de cara a conseguir unha vila máis humana, máis sustentable e máis eficiente en termos de mobilidade para todas as persoas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
