Daniel Castro relata como os pacientes non poden renovar receitas ou solicitar citas, os nenos e nenas carecen de atención pediátrica e en moitas ocasións no Centros de Saúde non hai ningún médico ou médica
Santiago de Compostela, 5 de decembro, 2023. O deputado do BNG, Daniel Castro denuncio na Cámara galega a carga de traballo e falta de persoal facultativo na Atención Primaria na comarca da Maríña luguesa e preguntou ao conselleiro de Sanidade, Julio García Comesaña se pode seguir defendendo que o Goberno galego ofrece “unha atención sanitaria de calidade”.
Na formulación da pregunta ao titular de sanidade, o nacionalista relatou que na localidade de Alfoz, durante os días 22, 23, 24, 27, 28 e 29 de novembro “non houbo médico/a primeira hora da mañá e as urxencias foron enviadas ao Centro de Saúde de Foz”.
Esta situación dixo, repetiuse en O Valadouro: o día 22 de novembro 23, 24, 27 e 28 de 8 a 9 hs e de 13 a 15 h. “O día 29 de novembro tampouco houbo médico ou médica de 11 a 15 hs e o 30 de 12 a 15 h”. Asemade, dixo, as urxencias foron derivadas principalmente ao Centro de Saúde de Foz e ao Centro de Saúde de Alfoz, “coa conseguinte a carga asistencial do persoal”.
En O Vicedo, proseguiu o nacionalista, o centro “fai anos que funciona baixo mínimos, con dous médicos con praza fixa, dos que xa non queda ningún». Esta situación, agregou, foi denunciada por máis de 500 persoas nunha mobilización explicando a través dun comunicado que na actualidade un médico acode ao centro algúns días e durante catro horas para atender urxencias o que impide solicitar citas que conlevan unha espera mínima de sete días.
Por outro lado, Daniel Castro tamén aludiu ao desprazamento dos nenos e nenas para ser atendidos por un pediatra no ambulatorio de Viveiro. «Pero neste tamén nos atopamos sen facultativos desde fai tempo», “Levamos máis dun mes sen poder facer solicitudes de citas, o teléfono do centro de saúde está colapsado e as axendas están pechadas desde hai máis de dúas semanas” recalcou.
O deputado afirmou que , o luns 7 de novembro, o Centro de Saúde de Viveiro contou coa presenza de dous médicos para atender as Urxencias ao non cubrir o SERGAS as cinco ausencias restantes, “dúas persoas de baixa, dúas persoas de vacacións e outra persoa que marchou do SERGAS”.
A maiores, dixo, Viveiro continúa sen pediatra e sen facultativo o 1 de decembro na quenda de tarde cando debería haber catro ao igual que en Ribadeo “sen pediatra durante unha semana do mes de novembro e sen cubrir até despois da ponte”.
Vostede considera que esta pode ser unha sanidade pública de calidade? repreguntou o deputado do BNG ao conselleiro de sanidade.
“Pode dicir o que queira, pero aquí hai xente que non pode ter unha cita co seu médico de cabeceira, hai xente que non pode renovar receitas, hai pais e nais que non poden levar aos seus fillos e fillas ao pediatra e hai xente que moitas veces acude ao Centro de Saúde e non atopa nin un só medico” denunciou.
Sabemos que ser van producir varias xubilacións na Atención Primaria mariñá e non estaría mal, inquiriu o deputado, que a consellería que vostede dirixe abandone “as escusas” e comece a pensar como vai resolver o problema. Non continúen vostedes con “parches” e resolvan unha situación que se prolonga no tempo e prexudica gravemente á poboación. “A saúde non é un luxo, é un dereito” e o goberno da Xunta do PP está deixando aos galegos e galegas sen sanidade pública e de calidade preto de onde vivan.
Pola súa parte, o conselleiro de Sanidade eludiu comprometerse a poñer en marcha medidas para resolver a deficiente situación pola que está atravesando a Atención Primaria na Maríña de Lugo pola falta de persoal facultativo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
