Gueimunde tivo palabras agarimosas para as máis de 100 persoas que a arrouparon, así como para “o noso veciño, Jaime de Olano, a quen lle desexo moitos acertos e lle pido que continúe velando polos intereses do noso pobo e da Mariña”
Viveiro, 2 de decembro de 2023. O PP viveirense conta dende hoxe cunha nova directiva que está liderada por Mariña Gueimunde. Desde xeito, a popular asume a presidencia da agrupación municipal “para traballar e poñer coto ao desgoberno que temos”. Visiblemente emocionada, e coa enerxía que a caracteriza, Gueimunde considera que “polo que nos teñen que identificar é polo traballo, a sensatez, e a humildade”; valores que, engadiu, “están no ADN do PP e neste equipo que hoxe arranca”.
“O reto é ilusionante. Por traballo non vai quedar. Viveiro está peor ca nunca: axudas que se perden, instalacións deportivas que se caen ou con goteiras, facturas que non se pagan e algunhas das que se pagan ben poderían destinarse a servizos públicos e non á propaganda do PSOE e dunha alcaldesa que fai de todo, menos xestionar os recursos que temos”, apuntou.
Por este motivo, expuxo: “temos compromiso e temos un verdadeiro proxecto e cidade, tal e como levamos no noso programa electoral. O que nos queda é traballo, traballo e traballo”, remarcou.
Pola súa banda, a presidenta provincial, Elena Candia, puxo en valor “o tesón” da nova presidenta, destacando que “non me cabe a menor dúbida de que Viveiro está nas mellores mans”. A este respecto, tanto Gueimunde como a máxima dirixente dos populares lucenses tiveron palabras de agradecemento para o equipo saínte. “Se o PP de Viveiro está forte e unido tamén é pola súa entrega e xenerosidade política”, afirmou Candia. E é que, segundo sinalou Gueimunde, “este proxecto non se entendería sen os que nos precederon. A todos eles lle quero expresar o meu agradecemento publicamente”, matizou.
EQUIPO COMPROMETIDO
“Sigo confiando no groso da lista electoral que hai tan só seis meses me acompañaron e con quen conseguimos gañar as eleccións do 28 de maio”. Tal é así que a nova dirección está reforzadas por “incondicionais do Partido e ex concelleiros que se quixeron sumar a este proxecto, o difícil proxecto de facer oposición”, continuou.
A nova dirección estará formada, ademais de pola presidenta elixida, por Martín Vale Cobo (vicepresidente), Sary Ventura Fernández (secretaria), e Erea Rivera Vázquez (vicesecretaria). 12 Coordinadores: Virginia Fernández Lage (Educación e Cultura), Inma Nespereira Domínguez (Deporte), José Soto Martínez (medio rural), Pablo Varela Sánchez (saúde e benestar social), Domingo González López (hostalería, turismo e comercio), Alejandro González López (economía e industria), Francisco Cora Fernández (mar), Vicente Vázquez Chao (obras e medio ambiente), Cristina García Lage (muller e xuventude), Javier Illán Álvarez (prensa e comunicación), Saray Ventura Fernández (redes sociais) e Inés Castro Ruíz (servizos informáticos). 17 Vogais: María Luisa Alonso Vilasuso, Camilo Arias Rial, Eva Castro Ruiz, María José Dablanca Ferreño, Laura Díaz Lamela, Luis Vicente Fernández Osorio, Marta García López, Jorge Gómez Santos, Elena González Eijo, Verónica Mantilla Rodríguez, Carlos Martínez Fernández, José Darío Paz Veiga, Regina Pigueiras Dominguez, Francisco Rivas Cao, Francisco Rivera Trobo, Claudia Esperanza Romero Ramírez e Gabriel Timiraos Delgado. Gueimunde tamén integra no seu equipo aos 8 membros de NNXX: Sofía García Trigo, Cristina García Lage, Jorge Gómez Santos, Alejandro González López, Claudia Prieto Sapena, Gabriel Timiraos Delgado, Pablo Varela Sanchéz e Ventura Fernández. Membros natos son todos os concelleiros e o deputado no Congreso, Jaime de Olano. Presidente de honra: César Aja.
ARROUPADA ORGANICAMENTE E AGRADECEMENTO AOS SEUS VECIÑOS
Mariña Gueimunde estivo arroupada pola dirección provincial, representada por Elena Candia e José Manuel Balseiro, así como polos recentemente nomeados vicevoceiros do Senado e do Congreso, José Manuel Barreiro e o viveirense Jaime de Olano, respectivamente; polos deputados na Cámara Baixa, Francisco Conde e Cristina Abades; deputados autonómicos e provincias; o responsable do Mar do Goberno galego, Alfonso Villares; o representante da administración autonómica en Lugo, Javier Arias; e alcaldes e voceiros de concellos limítrofes.
Tal é así que Mariña Gueimunde agradeceu “o apoio de todos” e, dun xeito agarimoso, o dos viveirenses que este serán se deron cita no complexo Las Sirenas e tamén “o do noso veciño, Jaime de Olano, a quen lle desexo moitos acertos e lle pido que continúe velando polos intereses do noso pobo e da Mariña”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
