O proxecto técnico está redactado e as obras contratadas desde setembro de 2022 pero a administración municipal aínda non obtivo os permisos de Costas do Estado nin puxo a disposición da Xunta os terreos
A Mariña, 15 de decembro de 2023. O deputado mariñán do Grupo Parlamentario Popular, José Manuel Balseiro, lamenta que os datos veñan a confirmar o “bloqueo” do Goberno municipal de Foz á nova estación depuradora de augas residuais (EDAR) e censura que esta falta de vontade política poña en risco un investimento millonario e moi necesario na localidade.
Balseiro explica que o convenio entre a Xunta e o Concello de Foz para executar esta infraestrutura hidráulica data do ano 2016. Nese acordo a administración autonómica comprometíase a redactar o proxecto técnico e executar a obra mentres que o Concello asumía a obriga de obter os permisos necesarios e os terreos para executar a nova EDAR.
“A realidade é que anos despois, a Xunta xa ten redactado o proxecto técnico e a obra está incluso contratada, desde setembro do ano 2022, pero o Goberno municipal aínda ten todas as súas obrigas pendentes: non hai terreos a disposición da Xunta, non hai expropiacións, non hai permisos, nin teñen a concesión por parte do departamento de Costas do Estado”
Para Balseiro é inaudito que cando a Xunta está disposto a correr con todos os gastos (só nos orzamentos da Xunta para 2024 están reservados 5,8M€) o Concello no sexa capaz de facer a súa parte e, por riba de todo, o alcalde se dedique a mentir e a non asumir unha responsabilidade aínda pendente.
O deputado mariñán pide ao Executivo local que “tome en serio este proxecto e asuman as súas obrigas e compromisos” porque a Xunta está en disposición técnica e económica de iniciar as obras da nova depuradora e non pode facelo porque o Concello non cumpre a súa parte. “Cajoto dende que era candidato leva demostrando que non quere avanzar no que deixou feito o goberno do PP”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
