Ribadeo, 26 de decembro de 2023. Arrinca en Ribadeo a execución do Plan Único, que suporá importantes melloras en moitos camiños das parroquias do interior e da costa. O investimento ascende a máis de 362.000 euros.
O alcalde, Dani Vega, contou que “comeza o Plan Único, un plan estratéxico de infraestruturas que financia a Deputación de Lugo e que ten un orzamento de preto de 362.000 euros”.
O rexedor explicou que “imos empezar a actuar na parroquia de Ove, na Faxarda e na Igrexa; en Cubelas imos actuar en Vilela, Marelle, Sa e Salcedo; en Cedofeita haberá actuacións en Piñeiro, concretamente no barrio da Trapa; en Cei en Arante; en Santalla de Vilausende na estrada que pasa por diante da igrexa; e en Couxela actuaremos en Sendín e Irexe”.
Vega indicou que “vamos actuar tamén nas parroquias da costa. En Vilaselán, na Grandela, a LU-P-5202; en Piñeira actuaremos no acceso ao matadoiro; en Vilaframil do Coto á Siñeira; en Rinlo no campo de María Méndez; e na Devesa na Pedreira”.
O alcalde subliñou que “moitas son as parroquias que se van ver beneficiadas por esta mellora significativa dos camiños e aquí hai que destacar a colaboración coa Deputación Provincial de Lugo, á que nós lle estamos moi agradecidos e seguimos a destacar esa colaboración permanente e absoluta coa Deputación de Lugo, como con calquera administración. O importante é xestionar orzamento, que veñan e invistan no noso municipio e seguir traballando e xestionando”.
Dani Vega reiterou que “se trata dun orzamento de 362.000 euros do Plan Único, un plan que actúa e quere mellorar os camiños de todas as parroquias de todo o rural”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
