A directora xeral de Emprendemento e Apoio ao Emprego, Margarita Ardao, participou nunha xornada na que dúas mulleres expuxeron os seus proxectos consolidados no rural, no marco dos máis de 40 atendidos no Polo de Mondoñedo
Xove, 15 de decembro de 2023. A directora xeral de Emprendemento e Apoio ao Emprego, Margarita Ardao, participou hoxe en Xove no evento Venres dos polos: emprendemento feminino, no que dúas mulleres presentaron os seus proxectos consolidados no rural, no marco dos máis de 40 atendidos polo Polo de emprendemento e apoio ao emprego de Mondoñedo. Alí, a directora xeral destacou que as mulleres supoñen máis da metade das persoas asesoradas por este centro, con proxectos entre os que destaca -por esta orde- a hostalaría, o comercio e a agricultura, gandaría, silvicultura e pesca.
Precisamente á hostalaría se dedica unha das relatoras, cuxo establecemento consta de distintos cuartos que reciben o nome de mulleres destacadas de Galicia. A outra, mentres, dedícase ao sector das conservas artesás. A través dos seus casos particulares, na xornada tratouse como aplicar os valores persoais a cada proxecto de emprendemento, como organizar o tempo de traballo a prol da conciliación e tamén as oportunidades e dificultades do emprendemento para as mulleres, apuntando á detección de novos nichos ou ás liñas de crecemento.
A Rede de polos de emprendemento e de apoio ao emprego conta con 12 centros distribuídos por toda a xeografía galega dos que catro están emprazados na provincia de Lugo: ademais do de Mondoñedo, os de Friol, A Fonsagrada e Monforte de Lemos e -proximamente- tamén se porá en marcha outro en Sarria.
Os catro centros operativas na provincia asesoraron xa máis de duascentas persoas emprendedoras (59% delas mulleres) coas que se realizaron máis de medio milleiro de sesións de traballo conxunto e de acompañamento, unhas 80 delas en Mondoñedo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
