Lugo, 11 de decembro de 2023. A Vicepresidencia da Deputación de Lugo pon son ao Nadal con máis de cincuenta actuacións de corais nas rúas de Lugo e de vilas das distintas comarcas. Unha vintena de agrupacións vocais participan no programa con repertorios adaptados a estas datas, que inclúen desde cantos de Reis ata pezas doutras culturas.
O vicepresidente da Deputación de Lugo Efrén Castro, acompañado polo tenente alcalde de Lugo Rubén Arroxo e pola concelleira de Cultura Maite Ferreiro, asistiu esta tarde a primeira das actuacións en Lugo, a cargo do coro feminino Cantar Delas, que actuaron nas rúas de San Pedro e Raíña.
Efrén Castro destacou que “con este programa, a área de Cultura contribúe a ambientar a cidade nunhas datas moi simbólicas, con moita xente nas rúas mercando ou disfrutando dos espazos públicos, que aproveitamos para visibilizar a traballo das corais ” e explicou que “nas dúas últimas edicións apostamos por levar esta programación a vilas como Sarria, Viveiro, Foz, Burela ou Meira, que tamén contarán con actuacións nestes días”.
Ademais de Cantar Delas, participan na programación Coro do Hospital de Lugo, Schola Gregoriana Lucensis, Asociación Músico Vocal Xeada, Conxunto Vocal Lugh, Orfeón Xoan Montes, Orfeón Lucense, Coral Polifónica Xolda, Ecos do Miño, Solo Voces, Coral Cantigas e Frores e a coral do Cuarto Ciclo da USC; todas elas con actuacións en Lugo.
O programa inclúe tamén actuacións da Coral Polifónica de Foz, Coro de Ribadeo, Sarricanta, Coral Luar, Coral Polifónica Alborada, Coral Polifónica de Burela, Coral Polifónica de Abadín e Coral Polifónica de Meira.
Calendario
📅Luns, 11 de decembro
🎙️ Cantar Delas
⏰18 horas
📍 Rúa San Pedro e rúa da Raíña. Lugo
📅Martes, 12 de decembro
🎙️Schola Gregoriana Lucensis
⏰18 horas
📍 Rúa San Pedro e rúa da Raíña.- Lugo
📅Mércores, 13 de decembro
🎙️Schola Gregoriana Lucensis
⏰18 horas
📍Campo Castelo. Lugo.
🎙️Solo Voces
⏰20:15 horas
📍Rúa da Raíña e Praza do Campo. Lugo
📅Xoves, 14 de decembro
🎙️Conxunto Vocal Lugh
⏰18 horas
📍Rúa San Pedro e rúa da Raíña. Lugo
🎙️Sarricanta
⏰19 horas
📍La Unión.Sarria
📅Venres, 15 de decembro
🎙️Asociación Músico Vocal Xeada
⏰18 horas
📍Rúa San Marcos. Lugo
🎙️Solo Voces
⏰20:15 horas
📍Praza Maior e Praza do Campo. Lugo.
📅Sábado, 16 de decembro
🎙️Coral Polifónica de Foz
⏰13 e 20 horas
📍 Foz
🎙️Coral Polifónica de Meira
⏰19 horas
📍 Abadín
📅Luns, 18 de decembro
🎙️ Coral Ecos do Miño
⏰17 horas
📍 Campo Castelo e Rúa da Raíña. Lugo
🎙️ Coro Cantar Delas
⏰18 horas
📍 Rúa Quiroga Ballesteros e Praza de Santo Domingo. Lugo
🎙️ Orfeón Xoan Montes
⏰19 horas
📍 Rúa da Raíña e Praza Maior. Lugo
Na primeira semana de decembro, celebraronse actuacións da Coral Polifónica de Ribadeo en Ribadeo, da Coral Luar en Vilalba e da Coral Polifónica de Abadín en Meira.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
