Fixo entrega do galardón ao mellor par e aproveitou para agradecer ao concello a organización desta festa
Vilalba, 21 de decembro de 2023. A subdelegada do Goberno en Lugo, Isabel Rodríguez, participou na nova edición da tradicional Feira do Capón de Vilalba felicitando aos criadores e criadoras un ano máis por seguir a ofrecer un produto de extraordinaria calidade e manter viva a tradición.
A subdelegada, acompañada da alcaldesa do municipio, Marta Rouco; o xornalista, Alfonso Hermida; o deputado provincial, Xose María Arias, e outras autoridades, asistiu a esta xornada inaugural que recibiu a 300 capóns e 37 criadores, o que debuxa no horizonte unha aposta por seguir mantendo un labor tradicional que ve incrementado o seu traballo polas festas do Nadal. “Este ano, vólvese a demostrar que a vila aposta por manter as tradicións vivas e encontrar un relevo xeracional, seguindo a estela dun produto coidado con agarimo e de forma natural”
Así, Isabel Rodríguez agradeceu o labor destes traballadores e sobre todo das traballadoras coa cría dos capóns durante todo o ano, xa que elas son as principais mantedoras desta tradición, símbolo da identidade da historia gastronómica chairega. “Agradezo o esforzo que realizan as mulleres da zona especialmente, xa que grazas a elas podemos manter esta costume que a día de hoxe seguimos a celebrar”
A subdelegada fixo entrega do galardón ao mellor par a Milagros Lozano e aproveitou para agradecer ao concello a organización desta festa que exemplifica e serve de mostra do traballo realizado polos produtores e produtoras na provincia durante todo o ano e que está avalado pola Indicación Xeográfica Protexida.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
