Ribadeo, 18 de decembro de 2023. O campo municipal Pepe Barrera acolleu a presentación das equipacións oficiais da tempada 2023/24 da SD Ribadeo e do Barres CF. Ao acto acudiron os preto de 260 nenas e nenos, que compoñen a grande familia da SD.
Desde a directiva agradecen o apio dos patrocinadores: “Adega Castillo San Damián, A Cofradía de Rinlo, Construcar, Pertejo SL, BeOne e Top Cad. Tamén a Gesnia Energía, Gestión Gratelu, Axa Seguros-Óscar García Teijeira SL e a Adamo-PC Coste pola súa colaboración. E a Marcos, de Deportes A Chaira, e a Lucía, de Serigrafía Eo, polo bo traballo que fixeron. Sen eles non poderíamos levar adiante este proxecto deportivo”.
Unha vez rematado o acto celebrouse a Primeira Comida do Nadal da Sociedade Deportiva, no pavillón do Colexio Público Gregorio Sanz para despedir, por todo o alto, a primeira parte desta temporada. O xantar foi servido por Chao dos Navais. Contou coa asistencia dunhas 450 persoas, “non faltou de nada: boa comida, música, animación, hinchables, sorteos…
Queremos agradecer aos adestradores, a todos os nenos e nenas e ás súas familias a presenza e colaboración nos actos deste día, realmente para nós cheo de emoción e de sentimento. Así como a presenza do alcalde de Ribadeo e dos concelleiros de Deportes e de Obras, dos edís doutros partidos políticos, significando o seu apoio constante ao club, aportando sempre medios, ideas e colaboración”, subliñan desde a directiva da SD Ribadeo.
E engaden: “igualmente o noso agradecemento ao Ayuntamiento de Castropol e ao concelleiro de Deportes pola axuda que nos brindan e a todas e todos os que de forma desinteresada colaboran con nós cada xornada. Aproveitamos esta ocasión para desexarvos a todas e a todoas unhas Felices Festas e un Próspero Aninovo”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
