A Mariña, 14 de decembro de 2023. A Mancomunidade de Concellos da Mariña Lucense pon en marcha un programa de Xeoturismo a través do Plan de Sostibilidade Turística 2022-2024, que arrincará este mes de decembro. E así avanza na súa execución. O PST está cofinanciado pola Mancomunidade, co apoio da Deputación de Lugo, a Xunta de Galicia e a Secretaría de Estado de Turismo.
O programa de Xeoturismo inclúe rutas e visitas xeolóxicas guiadas, tamén con motivo do Xeolodía, e formación. A adxudicación recaeu nun equipo técnico e consultor conformado por expertos guías, xeólogos e intérpretes do patrimonio coordinados pola empresa de turismo activo e axencia de viaxes Volta Montana.
Desde a Mancomunidade explican que “A Mariña conta cun patrimonio xeolóxico moi relevante en distintos lugares do territorio, desde a costa ao interior. De feito, nos últimos anos, este patrimonio lévase poñendo en valor coa organización de xeorutas por parte dos concellos e tamén con A Mariña en Ruta. Estas actividades resultan moi exitosas, tendo unha gran demanda e participación do público. As visitas á Cova do Rei Cintolo e ao complexo histórico e recreativo das Minas Consuelo e Boulloso son actividades cada vez máis valoradas e demandadas polo público en xeral como un modo de iniciarse na espeleoloxía e no xeoturismo. Ademais destas actividades destinadas a un público máis xeralista, desde fai un tempo tamén se comezaron a ofrecer actividades máis esixentes e de nicho – coma as Mareas Vivas As Catedrais, a baixada ao nivel -1 da Mina Consuelo ou a visita ao río da Cova do Rei Cintolo, que tamén gozan dunha importante demanda de público”. E engaden que “ademais, a Federación Galega de Espeleoloxía, encóntrase desenvolvendo o proxecto de Espeleoparque da Mariña, coa identificación e investigación dos recursos que demostra o interese e posibilidades futuras neste ámbito para o territorio”.
Rocío López, presidenta da Mancomunidade de Concellos da Mariña Lucense, referiuse a esta actuación: “o obxectivo xeral do PSTD na Mariña é o de impulsar un desenvolvemento turístico sostible, poñendo en valor o noso patrimonio cultural e natural para afrontar o reto demográfico; especialmente nas áreas rurais dos municipios. Con esta actuación trátase de alcanzar un uso sostible dos recursos turísticos, crear e consolidar produtos con recursos endóxenos e de calidade, que contribúan á desestacionalización, á distribución dos fluxos turísticos, así coma á cohesión do destino. E creo que seguindo esta liña de traballo con esta e outras accións do plan, pouco a pouco, imos poder conseguilo”.
Tania Hermida, xerente do Plan de Sostibilidade, relatou que “resultado do traballo que se fixo primeiro para optar ao financiamento do PSTD e logo para definir moi ben os proxectos que se ían desenvolver de xeito participativo con concellos, sector privado e axentes relacionados xurde este proxecto en torno ao xeoturismo. Trátase dunha oferta turística que neste caso ten na xeoloxía o motivo principal de atracción, pero que ademais é un turismo que trata de apoiar e mellorar a identidade dun territorio considerando outros aspectos como o medio ambiente, a cultura, os residentes, etc”.
A presidenta da Mancomunidade contou que “este programa de xeoturismo, que comeza agora e seguirá durante o 2024, podemos dicir que está composto de catro piares: un calendario de actividades de xeoturismo como xeorutas e visitas guiadas, tamén con motivo do Xeolodía 2024, unha serie de accións formativas destinadas a xestores do territorio, informadores e técnicos de turismo, guías e empresas de actividades turísticas e unha proposta de ubicación de elementos de sinalización de temática xeolóxica e de baixo impacto visual”.
Rocío López anunciou: “queremos inaugurar este proxecto organizando unha primeira actividade de xeoturismo o próximo 30 de decembro. Será por Trabada, na parroquia de Vilapena, baixo o nome de Xeoruta de Cerrochán, guiada polo xeólogo Iván Lombardero. Unha ruta que levará aos participantes ata o Alto de Cerrochán, permitirá coñecer e entender tanto aspectos xeolóxicos coma da p
Toda a información sobre esta Xeorruta por terras de Trabada poderá atoparse no seguinte enlace: https://amarinalucense.gal/es/geoturismo
Esta actividade é gratuíta, pero é preciso anotarse para participar.
A xerente do PSTD indicou que “está previsto que o forte do calendario de actividades de xeoturismo, que serán un total de 22, teñan lugar durante os meses de marzo, abril, maio, xuño e setembro. E as formacións desenvolveranse en tempada baixa, de febreiro a marzo, para facilitar a asistencia dos profesionais interesados. A medida que se vaian cerrando todos os detalles irase informando de todo elo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
