Ribadeo, 4 de decembro de 2023. A maioría do comercio asociado a Acisa Ribadeo abrirá as súas portas o vindeiro venres, 8 de decembro.
A presidenta de Acisa, Carmen Cruzado, indicou que “nestes días a nosa entidade informou ás nosas asociadas e asociados sobre as posibles aperturas dos seus negocios os días 6 e 8 de decembro, xa que por lei está permitida nas dúas xornadas. Tras as consultas realizadas entre os comerciantes asociados, podemos informar que en Ribadeo poderanse encontrar case todas as tendas abertas o venres 8. No caso do mércores 6 as aperturas serán moito menores, pero tamén haberá comercios abertos”.
Cruzado Iglesias anima “á veciñanza da comarca e aos visitantes a desfrutar de Ribadeo, porque esta vila conta cunha amplísima variedade de tendas e aquí sempre van atopar o que precisan. Calquera dia e bo para visitarnos, porque a hostalaría sempre está aberta para tomar algo, comer ou cear, pero ademais nesta ponte o venres é un día fantástico para vir facer as compras a Ribadeo. Ademais poderán gozar estes días de diferentes actividades, que complementarán a oferta de ocio e os atractivos turísticos que o Nadal nos ofrece, e sen esquecer a Pancha, a moeda local ribadense”.
O xerente de Acisa, Jesús Pérez, anuncia que “como soe ser habitual, vimos de informar os nosos socios, que grazas ás ampliacións horarias solicitadas por Acisa, as madrugadas do 5 ao 10 de decembro terán dúas horas mais sobre o horario de peche habitual. Do mesmo xeito terán dúas horas mais do 22 ao 31 de decembro.Grazas a esta autorización tramitada pola nosa asociación os bares e cafeterías poderán pasar de pechar ás 02:30 a facelo ás 04:30 horas, as discotecas e salas de festas de 06:00 a 08:00; e os pubs das 04:00 ás 06:00 da madrugada. Parécenos moi interesante poder ofrecerlle este servizo os nosos asociados e asociadas, deste xeito dáselles a oportunidade de poder traballar mais horas durante a celebración destas datas onde as ceas de traballo, de amigos e de familia son moitas e as ganas de festexar e celebrar son aínda mais. Deste xeito os mozos e mozas e os que non o son tanto, poderán desfrutar de mais horas de lecer na nosa hostalaría”.
E engade: “en Acisa Ribadeo este Nadal sumámonos, como non podía ser doutro xeito, á campaña nacional Somos a maxia que ilumina as túas rúas na que os comercios dos Centros Históricos de España se unen para celebrar o Nadal. A través da COCAHI (Confederación de Centros Históricos de España) da que forma parte Acisa Ribadeo, lanzamos a campaña na que poñemos ao pequeno comerciante, ao comercio de barrio, e ao comercio tradicional no centro da relevancia destas datas. Esta campaña pretende reivindicar o comercio das nosas cidades e vilas, somos a tradición, somos o Nadal, somos a garantía, somos o trato personalizado e directo, somos o negocio que fai cidade, e por iso animámosvos a gozar do Nadal nas nosas cidades e vilas como Ribadeo e a facer as compras destas datas nas nosas tendas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
