O Concello leva máis dunha década integrado na entidade, que participa en diversos programas de desenvolvemento coa poboación local e da que Lara Fernández Fernández-Noriega é vogal
Viveiro, 1 de decembro de 2023. O Concello de Viveiro estará representado na misión do Fondo Galego de Cooperación e Solidariedade aos campamentos saharauis que partirá de Vigo o vindeiro día 5. Como vogal da entidade, a concelleira de Benestar Social, Cultura e Igualdade, Lara Fernández Fernández-Noriega, participará na viaxe, organizada tamén polas delegacións da República Árabe Saharaui Democrática en España e en Galicia.
A edil asegurou que é “unha honra” formar parte nun organismo como o Fondo e lembrou que o Concello de Viveiro participa nel dende hai máis dunha década. “Sempre apoiamos iniciativas de solidariedade cos pobos e coas persoas en situación de desprotección porque é moi importante tecer redes de solidariedade e achegar un gran de area a proxectos en lugares onde o necesitan”, explicou antes de avanzar que os integrantes da misión teñen programadas visitas aos puntos onde se desenvolven eses programas e reunións con autoridades locales.
Destacou tamén a importancia de coñecer de primeira man “a realidade do pobo saharaui e tratar de vir cun programa de traballo para desenvolver dende os municipios”. “Aínda que as entidades locais non poidamos facer tanto como quixeramos, ás veces un gran de area contribúe a crear unha montaña de solidariedade”, afirmou. Por ese motivo, confía en que a visita aos campamentos sirva “para abrir novos camiños de cooperación e seguier traballando para que o mundo sexe mellor”.
Lara Fernández quixo aproveitar tamén para trasladarlles públicamente o seu agradecemento ás persoas que estes días se puxeron en contacto co Concello ofrecéndose a donar produtos de primeira necesidade con destino ao pobo saharaui. Forma parte, dixo, da vocación solidaria de familias coma as que durante os veráns fan posible que nenas e nenos pasen o verán en Viveiro e coñezan outras realidades a través do programa Vacacións Pola Paz, co que o Concello colabora dende hai anos.
Durante os catro días que a misión pasará nos campamentos, os seus integrantes teñen programados encontros co primeiro ministro saharaui, a gobernadora da wilaya de Bojador, o ministro de Saúde Pública e a ministra de Cooperación. Entre os lugares que visitarán atópanse a pranta de reciclaxe de Rabuni, o Hospital Nacional e as escolas da wilaya de Bojador. Tamén se encontrarán con membros da asociación Afapredesa, coas responsables do proxecto Nadafa, apoiado polo Fondo Galego, e integrantes da Unión de Mulleres Saharauis.
A entidade promotora da misión, o Fondo Galego de Cooperación e Solidariedade, é unha asociación sen ánimo de lucro integrada por administracións locais que ten como obxectivo contribuír á erradicación das desigualdades a través de proxectos de promoción do desenvolvemento en países empobrecidos, ademais de fomentar a sensibilidación social en Galicia acerca deste problema.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
