En 2022 as aportacións ascenderan a 6.300€
Burela, 21 de decembro de 2023. A Asociación Esperanza de loita e apoio contra o cancro fará donación nas vindeiras semanas dun total de 7.500,00 euros a cinco entidades vencelladas coa investigación contra o cancro e de apoio ás familias con nenos e nenas afectados pola enfermidade, para tentar axudar ao seu traballo na prevención, diagnose, tratamento e recuperación das persoas e familias afectadas polo cancro.
Esta decisión fora tomada pola asamblea de asociados de Esperanza celebrada no pasado febreiro, ainda que non foran fixadas as contías á agarda de saber con que diñeiro se podía contar. As entidades que recibirán a aportación de Esperanza son o Centro Nacional de Investigación Oncológica (CNIO), a Fundación Centro Oncológico de Galicia José Antonio Quiroga Piñeiro, a Asociación Somos Unidos por el cáncer de Lugo, a Fundación Instituto de Investigación Sanitaria (IDIS), e o Grupo Español de Investigación en Cáncer de Mama (GEICAM). A cada unha das entidades donaráselles 1.500,00 euros.
O CNIO, o GEICAM, a Fundación IDIS e a Fundación do Centro Oncológico de Galicia son institucións con recoñecido traballo e prestixio na investigación oncolóxica. Se os dous primeiros están ubicados na Comunidad Autónoma de Madrid, as dúas segundas están asentadas en Galicia e están amosando avances na loita contra o cancro e acadando recoñecementos públicos polo seu traballo de investigación.
Se o Centro Oncolóxico de Galicia, ubicado na cidade de A Coruña, xa é coñecido dende hai anos, a Fundación IDIS traballa dende 2008, entre outros campos, na investigación de terapias personalizadas no tratamento oncolóxico. A investigación oncolóxica está dirixida polo xefe de servicio de oncoloxía médica do CHUS Rafael López López e conta, entre outros, co prestixioso doutor Angel Carracedo.
Pola súa banda, a Asociación Somos Unidos por el Cáncer de Lugo leva xa anos facendo un inxente traballo de asesoramento e acollida ás familias de nenos e nenas en proceso de diagnose e tratamento oncolóxicos, e posterior recuperación.
“Dende Esperanza somos conscientes de que as axudas que aportamos son pequenas contías, mais entendemos que toda axuda é pouca para a loita contra o cancro. E ese é o noso obxectivo, a recaudación de fondos para donar e apoiar a aquelas entidades ou colectivos que están a desenvolver proxectos para tentar paliar os efectos desta enfermidade que a todos e a todas nos pode afectar, directa ou indirectamente, en calquera momento das nosas vidas. Amais de cumplir a vontade da asamblea de asociados de ESPERANZA, a asociación, con estas pequenas aportacións que se farán nas vindeiras semanas, quere agradecer e recoñecer o traballo que están a facer as entidades perceptoras”.
Por último, lembrar que en 2023 Esperanza incrementa o volumen das aportacións, que pasan de 6.300,00 euros en 2022 a 7.500,00 no presente 2023.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
