Ribadeo, 17 de novembro de 2023. Ribadeo contará con pista de xeo este Nadal. Estará instalada nunha carpa na Avenida Rosalía de Castro entre o 3 de decembro e o 7 de xaneiro. O prezo da entrada será de 5 euros, pero os negocios adheridos contarán con vales de desconto para a súa clientela, segundo deu a coñecer esta mañá a concelleira de Promoción Económica, Iniciativa Empresarial, Turismo e Comercio, Marta Saiz.
A edil ribadense explicou que “a pista de xeo volve a Ribadeo este ano. Será do 3 de decembro ao 7 de xaneiro. Estará instalada no aparcamento da rúa Rosalía de Castro, preto do Teatro. O horario durante o mes de decembro será de 16:30 a 21:00 horas e do 2 ao 7 de xaneiro de 12 a 14 horas e de 16:30 a 21:00 horas. Os días de Noiteboa e de Aninovo a instalación estará pechada”.
Saiz indicou que “o prezo da entrada será de 5 euros. E aquelas persoas que merquen no comercio de Ribadeo ou consuman na hostalería local e presenten un tícket por un importe mínimo de 10 euros gozarán dun desconto de 2 euros no prezo da entrada á pista de xeo”.
A concelleira de Comercio contou que “aqueles negocios que queiran facerse cos vales de desconto deben adherirse entre o 20 de novembro e o 1 de decembro. Poden facelo de xeito presencial na Área de Desenvolvemento Local do Concello de Ribadeo, enviando un email á dirección de correo electrónico adl2@ribadeo.gal ou na oficina de Acisa en horario de 9:30 a 14:30 horas. Desde o Concello animamos a todos os autónomos, micropemes ou pequenas empresas a adherirse e aos veciños, veciñas e visitantes a consumir no comercio local e a disfrutar dun Nadal sobre xeo”.
Pola súa banda a presidenta de Acisa, Carmen Cruzado, dixo que “para os locais asociados a Acisa a adhesión é automática. O resto de negocios son os que deben adherirse, tal e como comentaba a concelleira de Comercio, Marta Saiz”.
Cruzado subliñou que “desde Acisa estamos encantados de que a pista de xeo volva a Ribadeo, porque será un reclamo este Nadal en toda a contorna. Agardamos que sexa un éxito e animamos á veciñanza e aos visitantes a facer as súas compras no comercio local e a gozar da hostalería ribadense para así beneficiarse dese desconto nas entradas de acceso á pista de xeo, que contribuirá á dinamización económica de Ribadeo durante máis dun mes”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
