Ribadeo, 21 de novembro de 2023. Ribadeo conmemorará o 25N con proxeccións, teatro e cunha concentración e manifestación artística. O lema elixido para este 2023 é Ribadeo unida pola igualdade, forte contra a violencia.
A concelleira de Igualdade, Begoña Sanjurjo, explica que “hoxe, martes, iniciamos a semana repartindo nos centros educativos Historietas 25N, creadas cursos atrás por estudantes dos centros de Ensino de Ribadeo da ESO e da FP. Trátase dunha iniciativa que non só promove a prevención senón que tamén destaca e aproveita o talento artístico da mocidade ribadense”.
A edil ribadense contou que “o venres, día 24, proxectaremos a película Matria no auditorio con sesións matinais para os centros de ensino, enmarcadas no programa O Concello cos Coles. E haberá un pase aberto a todo o público ás 20 horas cunha entrada simbólica de 3 euros. E tamén ese día presentarase un vídeo contra a violencia machista, que recompila microvideos e fotografías recibidas durante estas semanas, reflectindo a participación activa de centros educativos, asociacións e diferentes entidades”.
Sanjurjo contou que “o sábado, o 25N, teremos unha concentración seguida da lectura dun manifesto baixo o título Ribadeo Unida pola Igualdade, Forte Contra a Violencia. Será ás 12:30 horas diante da Casa do Concello. Desde esa hora e ata as seis da tarde, a cidadanía está convidada a plasmar os seus sentimentos e reflexións nun gran mural que estará situado nas escaleiras do Concello. Este espazo artístico pretende ser unha expresión colectiva contra a violencia machista, onde cada mensaxe conte. As persoas que queiran participar poden escribir mensaxes, debuxar ou expresar os seus pensamentos de maneira creativa. O mural será unha testemuña visual do rexeitamento unánime da comunidade de Ribadeo cara a violencia de xénero e será exhibido no hall do Auditorio durante a semana seguinte”.
A concelleira de Igualdade anima “a todas e todos @s cidadáns a sumarse a esta actividade, facendo do mural un símbolo de unidade e resistencia contra a violencia machista”.
E engadiu: “remataremos esta semana de actividades o domingo, 26 de novembro, coa representación teatral de Iria Piñeiro, que representará Miss España no auditorio municipal ás 20:00 horas. O prezo da entrada será de 4 euros”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
