O delegado visitou un centro de produción de porco celta que contou cunha axuda de máis de 500.000 euros do Ministerio de Agricultura
Ribeira de Piquín, 20 de novembro de 2023. O delegado do Goberno en Galicia, Pedro Blanco, puxo en valor os preto de 500 millóns de euros que desprega o Goberno en Galicia para actuacións relacionadas coa loita contra o despoboamento do medio rural e o reto demográfico. Fíxoo durante unha visita ao concello de Ribeira de Piquín, na que estivo acompañado polo alcalde da localidade, Roberto Fernández; o alcalde de Vegadeo, César Álvarez, e a subdelegada do Goberno en Lugo, Isabel Rodríguez, onde destacou o traballo sen descanso que fai o Goberno de Pedro Sánchez para que estes concellos teñan as mesmas oportunidades que o resto de municipios.
Pedro Blanco sinalou que este esforzo investidor sen precedentes tradúcese en iniciativas que dinamizan comarcas como a montaña lucense. Hoxe, en Ribeira de Piquín tivo ocasión de coñecer as instalacións de Forescelta para a produción de porco celta, que é unha realidade en parte grazas ao apoio do Goberno, que destinou máis de 500.000 euros para a súa posta en marcha. “Estes investimentos son unha boa mostra de que estamos a afrontar este desafío con feitos e non con boas palabras; feitos que teñen impacto nas vilas e parroquias de Galicia e cos que buscamos dinamizar a economía, xerar novos empregos e fixar poboación”, indicou o delegado.
Neste senso, salientou o papel dos concellos, a administración máis próxima á cidadanía, á hora de dar resposta aos problemas asociados ao reto demográfico. Pedro Blanco puxo Ribeira de Piquín como exemplo de cooperación e traballo conxunto entre administracións. “Desde o Goberno queremos garantir que veciños e veciñas como os de Ribeira de Piquín conten coas mellores infraestruturas, equipamentos e servizos públicos. Por iso, a través dos fondos do Plan de Recuperación, dixitalizaremos todo o municipio, achegando fibra de alta velocidade a 500 fogares/empresas” anunciou o delegado, “un exemplo máis do compromiso deste Goberno coa transformación do rural galego”.
Iniciativas empresariais
O centro de produción de porco celta de Ribeira de Piquín é unha das iniciativas que se están a desenvolver neste concello co apoio do Goberno, ás que tamén se suma a recuperación da antiga piscifactoría abandonada de Santalla para a produción de troitas ou a creación dun polígono con máis de 15 hectáreas de superficie alugadas aos veciños para a produción de kiwi en ecolóxico.
“Proxectos innovadores coma este, baseados na sustentabilidade, son fundamentais para o futuro de Galicia”, dixo o delegado, quen afirmou que o rural galego “non está hoxe só nin baleiro, xa que conta co respaldo do Goberno de Pedro Sánchez”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
