Socialistas e nacionalistas votaron en contra dunha iniciativa do Grupo Provincial Popular na Deputación de Lugo para pedir ao Goberno central “compromiso coas infraestruturas da provincia”
Luns, 7 de novembro de 2023. PSOE e BNG rexeitaron no pleno da Deputación de Lugo esixir ao Goberno de España “compromiso coas infraestruturas de titularidade estatal na comarca da Mariña para garantir a seguridade, as comunicacións e a competitividade do territorio”, segundo explica o voceiro popular, Antonio Ameijide.
Socialistas e nacionalistas votaron en contra de finalizar con urxencia as obras de reparación do socavón da vergoña na N-642, avanzar na autovía A-74 que constituiría a alternativa a esta vía e desenvolver un adecuado mantemento da A-8. Estas eran algunhas das propostas que o Grupo Provincial Popular recollía nunha iniciativa coa que reclamar ao Goberno central máis investimentos para desbloquear e avanzar nas infraestruturas da provincia “ante o notorio abandono de Pedro Sánchez con Lugo e as desigualdades con Galicia en xeral”.
“Os socialistas volven escoller, unha vez máis, defender a Pedro Sánchez por riba dos lucenses e mariñáns. Xa o fixeron con Alcoa en setembro do 2019 negándose a esixirlle ao Goberno central aprobar o estatuto de consumidor electrointensivo -a pesar de que os seus compañeiros votaran a favor no Parlamento de Galicia- e tamén coa defensa dos gandeiros en febreiro do 2021 votando en contra de manter o anterior status de protección do lobo para non incluílo na listaxe de especies silvestres en réxime de protección especial”.
O popular subliña que “non deixa de ser curioso porque os socialistas si que votaran a favor desta mesma iniciativa no pleno do Concello de Lugo, no mesmo sentido que o BNG; favorecendo que saíse adiante por unanimidade igual que a proposta do Grupo Popular no Parlamento para instar ao Goberno a finalizar con urxencia os traballos de reparación do treito afectado polo burato na estrada N-642”.
“Pero máis sorprendente é aínda que o BNG e, máis concretamente, o seu deputado mariñán, Daniel García, se negaran a apoiar na Deputación de Lugo a iniciativa dos populares despois de defender durante o debate a necesidade de mellorar as infraestruturas estatais na provincia e que dende o Grupo Provincial Popular aceptasemos a súa emenda de engádega para incluír tamén nas reclamacións ao Estado a mellora da N-634”.
Para o portavoz popular, é “unha clara mostra de que os deputados nacionalistas na Deputación de Lugo están sometidos ao PSOE e a Tomé que, por certo, volveu demostrar a súa actitude ditatorial ao negarse a darme a palabra para responder ás súas alusións”. É dicir, “Tomé incumpriu o artigo 116 do Regulamento Orgánico da Deputación Provincial de Lugo”.
SECTARISMO NO GOBERNO PROVINCIAL
Ameijide defendeu o “reparto xusto e equitativo” das aportacións que a Xunta de Galicia dirixe directamente aos Concellos a través de distintos fondos para as entidades locais e subliñou os prexuízos que supón para moitos Concellos da comarca da Mariña o “sectarismo do goberno da Deputación de Lugo” que nos cinco primeiros meses do ano 2023 -xusto ata dous días antes das eleccións municipais- aprobaba a porta pechada en xunta de goberno dirixir de forma directa a 30 Concellos da provincia -gobernados por PSOE, BNG e independentes- máis de 10,5 millóns de euros -dos que 6,5 serán percibidos este mesmo ano- e 0 para Concellos gobernados polo PP”.
Precisamente eses 6,5 millóns outorgados a dedo para Concellos gobernados por cores políticas distintas ao PP son os que o Grupo Provincial Popular propón incrementar ao orzamento do Plan Único para que sexan distribuídos entre todos os concellos da provincia atendendo a criterios obxectivos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
