Esta semana vimos de conmemorar o 25N: Día Internacional para a Eliminación da Violencia contra as Mulleres.
Un ano máis dende todos os lugares do mundo puxémonos en pé para dicir BASTA a unha das violacións dos dereitos humanos máis extendida, devastadora e persistente: a violencia contra as mulleres e nenas.
Porque si, ás mulleres continúan a matarnos polo simple feito de ser mulleres; e a discriminarnos, infravalorarnos, controlarnos, agredirnos, violarnos… e facernos crer dende ben cedo que así está ben, que esta é a orde establecida para manter o equilibrio de sociedades construídas por e para os homes.
Neste contexto, e por desgraza una vez máis, o goberno do PP do Concello de Ribadeo deixou patente que non ten ou a vontade ou a capacidade (iso xa é outro debate) para promover políticas de Igualdade á altura do enorme desafío que representan as violencias machistas.
Presentáronnos para este día un programa descafeinado, nesta dinámica xa tan súa de “facer que facemos”, reutilizando proxectos doutros anos como as historietas contra a violencia machista que os alumnos e alumnas dos centros de ensino ribadenses idearon hai tres cursos. Non se lles ocorría nada novidoso? Ou non interesa?.
A programación dirixida aos centros escolares deste ano consistiu na visualización da película “Matria”, unha longometraxe só apta para os cursos superiores, pola que o alumnado asistente tivo que pagar o que lle chamaron un precio simbólico. O que é un precio simbólico para unhas persoas pode ser motivo de discriminación para outras e, nos tempos que corren, un esforzo máis para moitas familias. Isto pode darnos unha idea da importancia real que este goberno lle dá ao 25N: un goberno ao que non lle importa malgastar diñeiro público en gorras, carpas e luces, pero que pecha o peto para a formación en igualdade da mocidade.
Só un pequeno apunte máis: en Compostela, a mesma proxección, promocionada tamén para este día polo seu partido político como acto estrela a nivel galego, foi de balde.
Trouxéronnos tamén unhas xornadas de defensa persoal feminina anunciadas nun cartaz que nos chamaba a converternos en superheroínas de cintura fina e curvas voluptuosas, perpetuando estereotipos afastados da diversidade que nada nos axudan ás mulleres, e depositando de novo en nós a responsabilidade: “Empodérate e protéxete”. Unha vez máis somos nós as que nos temos que protexer, que “non debería pasar pero pasa”, como dicía a Xunta de Galicia na súa polémica campaña do ano pasado.
No ano 2023 xa nos deberíamos ter separado deste discurso resignado para empoderarnos de verdade e apostar pola única forma posible de acabar coa violencia machista: a educación. Educación en igualdade para non ter que vivir con medo e a protexernos, para entender que o único que ten que asumir responsabilidades nunha agresión machista é o home que a perpetra.
Que saber zafarnos se alguén nos ataca está ben? Por suposto. Que hai moitas cousas que aprender antes? Tamén. Como a ter un pouco máis de tino, e manter o anonimato das asistentes a este tipo de cursos e xornadas, mulleres das que non sabemos o contexto persoal que as leva a participar, e que non teñen que someterse á exposición pública gratuita só para que o goberno do PP sume unha foto máis ó seu álbum de recortes.
A loita contra a violencia machista debe ser contundente e efectiva dende as administracións. Alén de dispoñer das estruturas e capacidades para dar resposta a todas as mulleres que o poidan precisar, un Concello debe asumir de maneira exemplar o labor de sensibilización e concienciación da sociedade, debe poñer temas concretos enriba da mesa, non perderse en xeneralidades e simbolismos que non se recordarán o mes que vén. As actividades que se programen para este día deben ser meditadas e ter un propósito, deben remover conciencias, deben facernos pensar, deber ter visibilidade e proxección durante o resto do ano. Hai que profundizar, traballar e posicionarse; só con bos desexos non se consegue nada.
Involucrar e facer partícipe a sociedade é a base para que os programas teñan seguimento, para que a poboación sexa consciente da magnitude do que se conmemora un 25 de novembro e se movilice para participar. Nada se fixo neste sentido este ano, quedando patente na pouca afluencia a varios dos actos.
A única forma posible de atallar a violencia contra nenas e mulleres pasa pola formación e educación en igualdade, dende os máis cativos ata nós os adultos, que debemos ser exemplo cada día e saber corrixirnos e recapacitar se algunha vez non o somos.
Señoras e señores do PP de Ribadeo, por todas nós, póñanse as pilas.
Raquel Ferreira Álvarez
Concelleira da área de Igualdade do BNG de Ribadeo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
