O conselleiro visitou na localidade lucense o Augusta AW-139 que substituíu ao Sikorsky S-76 que viña prestando o servizo ata o pasado 1 de novembro coa entrada en vigor do novo contrato
Viveiro, 13 de novembro de 2023. O conselleiro do Mar, Alfonso Villares, destacou a mellora dos medios aéreos e marítimos de Gardacostas e denunciou a negativa do Goberno central a financiar o servizo que sufraga a Xunta de Galicia en solitario. O titular de Mar fixo estas manifestacións acompañado polo subdirector xeral do Servizo de Gardacostas de Galicia, Lino Sexto, e pola xefa territorial de Mar en Celeiro, María del Carmen Gueimunde, durante unha visita á base do organismo autonómico en Celeiro, no concello de Viveiro, onde se atopa o helicóptero Augusta AW-139 que substitúe o Sikorsky S-76 que viña prestando o servizo ata o momento.
O conselleiro sinalou que Galicia é a única comunidade autónoma que conta cun servizo propio de Gardacostas ao que dedicará o vindeiro ano 30,2 millóns de euros, o que supón un incremento do 12,3%. Un esforzo orzamentario que asume en solitario o executivo autonómico a pesar de que o Estado non dispón dos medios aéreos e marítimos suficientes para actuar dentro das súas competencias polo que resulta indispensable a actuación de Gardacostas de Galicia en moitos operativos. Alfonso Villares defendeu por este motivo que debería ser sufragado integramente con fondos estatais.
O titular de mar enxalzou o traballo que realizan os 132 profesionais que compoñen a plantilla as 24 horas os 365 días do ano ao longo de todo o litoral galego e que durante os seus máis de 30 anos de historia salvou a vida de máis de 1.800 persoas, facendo fronte ademais á contaminación, protección da contorna mariña e loita contra o furtivismo. Ata setembro este departamento este servizo autonómico participou en máis de 60 intervencións de salvamento, que se engaden ás máis de 90 do conxunto de 2022.
As causas máis comúns destas operacións realizadas con medios aéreos e/ou marítimos son as evacuacións médicas de pasaxeiros ou tripulantes en buques e o seu traslado aos centros hospitalarios, a procura e rescate de persoas desaparecidas ou en perigo en terra ou mar, labores de busca sobrevoando embarcacións á deriva e traballos de remolque doutros barcos por avarías ou outros problemas de navegación.
O responsable de Mar tamén visitou no porto de Celeiro a patrulleira Punta Promontoiro que entrou en servizo no 2019 subsituíndo á patrulleira Xistral como parte da renovación da frota que esta a levar a cabo a Consellería do Mar nos últimos anos cun investimento acumulado de máis de 10 M€, o que permitiu a fabricación e posta en servizo de catro novos buques.
Futuras inversións
O goberno galego ten previsto para o vindeiro ano a licitación da fabricación de dúas novas patrulleiras lixeiras por un importe de 1,57 millóns de euros e a renovación do parque móbil coa adquisición de sete vehículos todo camiño. Inversións que veñen a dar continuidade ao traballo realizado co obxectivo de mellorar e modernizar os medios aéreos, marítimos e terrestres cos que conta este organismo para prestar o mellor servizo á sociedade galega.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
