Haberá xornadas de defensa persoal, charlas, a proxección dunha película e unha obra de teatro. As actividades desenvolveranse do 11 ao 26 de novembro
Ribadeo, 9 de novembro de 2023. Ribadeo unida pola igualdade, forte contra a violencia é o lema elixido polo Concello para a conmemoración do 25N. A programación das actividades, que se desenvolverán do 11 ao 26 de novembro, foi presentada pola concelleira de Igualdade, Begoña Sanjurjo, e polo subdelegado en Galicia da Asociación Española de Gardas Civís, Germán Vale.
A edil ribadense dixo que “na antesala do 25 de novembro, o Concello álzase con determinación baixo o lema Ribadeo unida pola igualdade, forte contra a violencia. O lema convida a tod@s, a unirse neste esforzo conxunto por un futuro onde a igualdade prevaleza sobre a violencia”.
O subdelegado en Galicia da Asociación Española de Gardas Civís, Germán Vale, indicou que “desde a Asociación Española de Gardas Civís de Galicia estamos moi sensibilizados coa violencia de xénero, xa que nos toca de preto no noso ámbito profesional. Nos programas de formación da asociación a xente civil queremos fomentar, como xa vimos facendo en distintos puntos da xeografía nacional, xornadas de defensa persoal para mulleres, sexan ou non vítimas de violencia de xénero, para que mulleres poidan responder a unha agresión física ou psicolóxica”.
Vale Varela dixo que “a violencia de xénero non é un problema que afecte ao ámbito privado. Ao contrario maniféstase coma un símbolo brutal da desigualdade existente na nosa sociedade”.
O delegado da AEGC subliña agradece “ao Concello de Ribadeo e ao CIM, e concretamente á concelleira de Igualdade, a súa predisposición desde a presentación da proposta para levar a cabo estas xornadas”.
Begoña Sanjurjo explicou que “para conmemoración do 25 de novembro levaranse a cabo varias iniciativas. A primeira delas comeza este sábado, día 11. Son as Xornadas de Defensa Persoal Feminina: Empodérate e Protéxeche, organizadas en colaboración coa Asociación Española de Gardas Civís, que terán lugar os días 11 e 18 de novembro. As sesións serán na Sala de Marciais do Pavillón Municipal polas mañás de 10:00 a 13:00 horas e polas tardes no auditorio municipal Hernán Naval”.
A concelleira de Igualdade seguiu a relatar que “o 11 de novembro ás 18:00 horas teremos unha Xornada Psicolóxica, Psicoloxía Protectora: Construíndo Resiliencia para a Autodefensa, na que intervirán como relatoras Lourdes Deán Fernández da OAV (Oficina de Atención ás Vítimas de Lugo) e Marta Rivas Rodríguez, psicóloga do IMELGA. Xa o vindeiro 18 de novembro teremos unha mesa redonda pola tarde no auditorio municipal titulada Defensa con Dereitos: Navegando ou Labirinto Xurídico para a Autoprotección, na que participará persoal do Xulgado de Violencia de Xénero; José Luis Raposo Cabo (Subtenente Diplomado en Policía Xudicial, Xefe EDOA Lugo); Gerardo Sevilla Brigada GC Diplomado Policía Xudicial, Comandante de Posto GC Ribadeo; e Xema López López GC (Equipo Viogen Compañía GC Burela). A mesa será moderará pola xornalista Carmen Cruzado”.
Sanjurjo contou que “o 24 de novembro proxectarase no auditorio municipal, dentro do programa o Concello cos Coles, a película Matria, que conta a historia de Ramona, unha muller galega que enfronta a violencia machista na súa comunidade. Haberá dúas proxeccións matutinas para os centros de ensino cun coloquio posterior co director e pola tarde ás 20:00 horas a película estará dispoñible para o público xeral. E o 26 de novembro Iria Piñeiro traeranos a súa obra Miss España, unha proposta artística que aborda os estereotipos de xénero e cuestiona os roles impostos ás mulleres na sociedade”.
E engadiu que “estes últimos días diversas asociacións de Ribadeo, os centros de ensino e outras entidades están a elaborar un vídeo colaborativo para destacar a solidariedade na loita contra a violencia de xénero, que será publicado en redes proximamente”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
