Javier Castiñeira destaca a “experiencia e coñecemento do asociacionismo do funcionamento dos servizos sociais” de Dolores Labrada, da que afirmou “será un gran activo para o Grupo Municipal”
Foz, 2 de novembro de 2023. No último pleno do Concello de Foz, celebrado o pasado xoves, tomou posesión como nova concelleira do Grupo Municipal do Partido Popular Dolores Labrada, que chega á corporación trala renuncia, por motivos persoais, de Antonio Hermida.
O voceiro popular en Foz, Javier Castiñeira, dá a benvida á nova concelleira popular da que destaca que é “unha persoa moi vinculada ao asociacionismo, ademais de ter un amplo coñecemento do funcionamento dos servizos sociais”. “Chega á corporación con moita ilusión e gañas de aportar ao Grupo Municipal Popular para poder mellorar o Concello de Foz e, por tanto, a vida de todos os veciños”, destacou.
Javier Castiñeira explicou que “a experiencia” de Dolores Labrada “será un gran activo para o Grupo Municipal” e axudará a reforzar a atención ás parroquias do rural do municipio ademais de “aportar coñecementos fundamentais sobre o funcionamento dos servizos sociais”.
O voceiro popular ve a Dolores Labrada como “unha peza fundamental”, do mesmo xeito que era Antonio Hermida, que tivo que renunciar a súa acta de concelleiro por motivos persoais, e ao que “lle agradecemos toda a súa dedicación durante estes últimos anos e que como veciño seguro que vai a seguir tendo”.
“TRABALLAR POR E PARA FOZ”
Dolores Labrada explica que “quero traballar polo municipio e polos seus veciños, ao igual que todos os meus compañeiros do PP de Foz”. “Neste caso, dende a oposición traballarei arreo para facer unha oposición responsable e propositiva, pero tamén cun control moi estreito da actividade do goberno local para que non se repitan situacións como a deste verán, na que todos sufrimos case dous meses de problemas co abastecemento da auga”, explicou Labrada.
Os populares agardan que o goberno local mude a súa actitude e comece a valorar as nosas iniciativas. “Estar na oposición non implica estar en contra de todo, ao contrario, buscamos o xeito de realizar propostas en positivo para mellorar Foz”, afirman.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
