Ribadeo, 10 de novembro, 2023. Este xoves celebrouse á segunda charla realizada pola A.C. Francisco Lanza con motivo da exposición “Deportados da Mariña luguesa e do Occidente asturiano aos campos de concentración nazis”. O seu título: “Asalto de Ribadeo polas tropas golpistas o 23 de xullo de 1936”. Miguel Freire, con orixes en Ribadeo, relatounos como se produciu o asalto a Ribadeo por parte das tropas sublevadas do xeneral Franco. Froito das testemuñas da época, o acto supuxo unha ocasión ben acaída para render homenaxe ás vítimas de dito asalto:
Justo Fernández Suárez, natural de Vilaronte e veciño da Veiga; 26 anos, solteiro; de profesión, chofer.
Casimiro Pérez Martínez, nado en Mondreganes (León); 43 anos, carabineiro casado con Isabel Vázquez Fernández, coa que tiña 5 fillos.
Ramón Crespo Rodas, de Ribadeo; 26 anos, solteiro; zapateiro.
Rosalía Alonso Lastra, natural de Mourisco (A Fonsagrada); 60 anos, solteira.
Manuel Tella, natural de Navia de Suarna; 60 anos, casado e cun fillo; xornaleiro.
Manuel Mon Miranda, natural de Luanco (Asturias), de ascendencia burelá; 44 anos, casado con Joaquina Expósito Baño e con 4 fillos; carabineiro.
Vicente Muiño Tojeiro, natural e Cedeira; 26 anos, solteiro; xornaleiro labrego e mariñeiro.
E tamén houbo ocasión para lembrar os nosos veciños ribadenses que foron fusilados posteriormente en Lugo tras un consello de guerra sumarísimo:
Dositeo Álvarez Seivane; natural de Ribadeo; 32 anos, labrego. Condenado a morte e executado en Lugo.
Fernando Bellón Fernández: natural das Figueiras (Castropol); 30 anos; mariñeiro. Xulgado por rebelión e executado en Lugo.
Antonio Fernández Sánchez: natural de Ribadeo; 55 anos, mariñeiro. Xulgado por rebelión militar e executado en Lugo.
Antonio García Fernández: natural de Ribadeo; 46 anos, zapateiro. Xulgado por rebelión e executado en Lugo.
Ramón Lorenzo Fernández: natural de Barreiros, veciño de Ribadeo; 48 anos, tenente de carabineiros da praza de Ribadeo. Xulgado por traizón e executado en Lugo.
Luciano Martínez Piñeiro: natural de Ribadeo; 55 anos, mariñeiro. Xulgado por rebelión militar e executado en Lugo.
Faustino Penedo García: natural de Baleira, veciño de Ribadeo; 46 anos, bedel da Academia de Santo Tomás de Aquino. Xulgado por sedición e executado en Lugo.
Manuel Soliño Medina: natural de Ribadeo; 18 anos, xornaleiro. Xulgado por rebelión militar e executado en Lugo.
Antonio Trujillo Rodero: natural de Salamanca, veciño de Ribadeo; 48 anos, alférez de carabineiros da praza de Ribadeo. Xulgado por traizón e executado en Lugo.
Manuel Fernández Piñeirúa: natural de Ribadeo, veciño de Castropol; 46 anos, garda municipal do concello de Castropol. Xulgado por rebelión militar e executado en Lugo.
O resto das vítimas mortais da represión franquista vinculadas a Ribadeo figuran tamén cos seus nomes nas “Pedras da Memoria” sumando un total de 40 persoas.
Para todos eles, veciños e veciñas de Ribadeo, houbo unha lembranza e unha merecida homenaxe na charla de onte, impartida por Miguel Freire, na Casa do Viejo Pancho: a memoria feita lembranza presente e proxectada cara ao futuro para que ninguén esqueza a barbarie. É de xustiza que os seus descendentes poidan atopar os restos dos seus antepasados e darlles unha sepultura digna.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
