Ribadeo, 18 de novembro de 2023. Ribadeo segue sendo un referente para diversos colectivos á hora de elixir un espazo para a celebración de encontros e congresos. No día de hoxe acolleu a VII Xornada de Protección Civil da Provincia de Lugo, que organiza a Federación de Agrupacións de Voluntarios de Protección Civil de Lugo.
O alcalde, Dani Vega, e a concelleira de Seguridade, Montse Seijo, participaron na inauguración destas xornadas que tivo lugar no Auditorio Municipal Hernán Naval. O programa incluíu ponencias, prácticas no porto deportivo de Ribadeo e xantar de confraternidade no Parador de Turismo.
O rexedor declarou: “espero que Ribadeo continúe a ser un referente para este tipo de eventos e o meu máis sincero agradecemento a voluntarios e voluntarias e a todo o servizo de Protección CIvil polo seu grande traballo”.
No acto de clausura fíxose entrega de placas de ouro ao mérito de Protección Civil ás Agrupacións da Provincia de Lugo.
Arias destaca o compromiso da Xunta co labor de Protección Civil nas VII Xornadas provinciais das agrupacións
O delegado territorial da Xunta en Lugo, Javier Arias, participou esta mañá na inauguración da sétima edición das xornadas provinciais que organiza a Federación de Agrupacións de Protección Civil de Lugo, onde puxo de manifesto o firme compromiso do Goberno galego co “labor fundamental” que realizan os voluntarios e voluntarias que conforman este servizo.
O delegado lembrou que as agrupacións de voluntarios unha parte vital no funcionamento do sistema de emerxencias e que “a miúdo son os primeiros en chegar ao lugar do sinistro e prestar os primeiros auxilios”, polo que “resulta básico ofrecerlles os medios e os coñecementos apropiados para desenvolver a súa función”.
A provincia de Lugo conta actualmente con 43 agrupacións de Protección Civil. O apoio da Xunta concrétase en tres aspectos: a formación do persoal, a achega de equipamento e axudas para os gastos de funcionamento; o investimento na provincia nestes dous últimos apartados supera os 2,8 millóns de euros desde o ano 2015.
Este ano leváronse a cabo en distintos municipios de Lugo 13 cursos para formar a 255 alumnos en materias como a prevención e loita contra incendios urbanos, condución de vehículos todoterreo ou accidentes na estrada.
Tamén se dota ás agrupacións de material e equipamento de emerxencias de distinta tipoloxía para mellorar a capacidade de prevención e reducir os tempos de resposta ante riscos e emerxencias derivados dos diferentes sinistros (incendios forestais, inundacións, etc).
Entre o equipamento entregado nos últimos oito anos ás agrupacións da provincia figuran 43 vehículos, 32 remolques, 12 embarcacións, 27 coitelas quitaneves e esparexedores de sal, 20 carpas e 60 desfibriladores.
Froito do traballo realizado durante estes anos pode concluírse que practicamente todas as Agrupacións contan con vehículo de emerxencias e unha porcentaxe moi elevada con remolque e carpa para emerxencias. Ademais, en función dos riscos de protección civil específicos de cada zona, as agrupacións dispoñen de material de actuación en caso de nevadas ou xeadas ou material acuático, entre outros.
Arias lembrou que está próxima a resolverse unha nova convocatoria destas axudas que, por primeira vez, inclúe a dotación de kits de material loxístico de seguridade viaria, de ferramentas eléctricas para a atención a emerxencias, e de material para emerxencias no medio acuático.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
