Ameijide sinala que “a única realidade é que asinaron un acordo similar ao de fai 4 anos e que non se cumpriu” polo que “queda clara a inutilidade do BNG para Galicia e no Congreso dos deputados”
Lugo, 8 de novembro de 2023. O portavoz do Grupo Provincial Popular, Antonio Ameijide, subliña que “o pacto entre PSOE e BNG asinado onte é papel mollado, un documento con inconcrecións e xeneralidades. Non o podemos crer despois de que na Deputación de Lugo ambas formacións votaran en contra de esixir investimento para as infraestruturas do Estado na provincia. Negáronse a votar a favor da alta velocidade, dun corredor de mercancías que pase pola nosa provincia, da reconstrución urxente da A6, do mantemento das infraestruturas viarias e da construción das autovías pendentes”.
O popular incide en que “os acordos asinados -cheos de condicionais (avanzarase, aceleraranse, aplicarase, elevarase..)- certifican que non teñen intención de rematar en prazo a autovía a Santiago (A-54), nin de avanzar nas autovías de Lugo a Ourense (A-56), Ponferrada a Ourense (A-76) e da Mariña (A-74)”. Así mesmo, incidiu en que “PSOE e BNG non teñen a máis mínima intención de que a provincia de Lugo teña alta velocidade porque no documento non se percibe ningunha palabra sobre a alta velocidade para a nosa provincia”. É dicir, “onte Besteiro e Pontón firmaron o illamento á nosa provincia, a venda desta provincia aos cataláns”, remarca o popular.
“O negociador do pacto da investidura de Sánchez, que é o candidato do PSOE á Xunta, é precisamente o vendedor da nosa Comunidade Autónoma para pagar as débedas dos cataláns. Os que cumprimos teremos que pagar a débeda dos que non cumpriron grazas á negociación do candidato do PSOE á Xunta que terá que pedir o voto aos galegos despois de custarnos 1.200 millóns de euros -400 euros cada galego-.
O BNG NON É ÚTIL PARA GALICIA
Ameijide condena que“unha das principais preocupacións do BNG é que se poda ver a tele portuguesa na comunidade autónoma de Galicia” e asegura que “o pacto é unha cortina de fume e un novo engano no que volveron caer os nacionalistas: non sabemos se por boa fe ou se son cómplices de enganar aos lucenses”.
En todo caso, “a única realidade é que asinaron un acordo similar ao de fai 4 anos. E neste tempo non se cumpriu nin o primeiro punto e agora volven a rubricar o mesmo engano recoñecendo a inutilidade do BNG para Galicia e no Congreso dos deputados”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
