Ribadeo, 18 de novembro de 2023. Acisa presenta as súas novas bolsas. Trátase dun paquete de mais de 21.000 unidades, que están dispoñibles gratuitamente para o comercio asociado.
O xerente de Acisa, Jesús Pérez, dixo que “como adoitamos a facer polo Nadal este ano tamén entregamos de forma totalmente gratuíta materiais aos nosos asociados e asociadas. Primeiro fixémolo coa hostalería e agora tócalle ao comercio. Nesta ocasión fixemos un esforzo extra, dedicando preto de 10.000 euros para a adquisición destes materias, algo que puidemos facer co cofinanciamento da Xunta de Galicia. Con esta inversión puidemos editar mais de 21.000 unidades destas novas bolsas comerciais”.
E engadiu: “deste xeito respondemos ás necesidades dos nosos asociados e asociados, que diariamente no comercio veñen utilizando as bolsas que dende Acisa lles proporcionamos de forma gratuíta, e que sen dubida é unha das súas maiores demandas”.
Prada explicou que “estas novas bolsas, que poñemos á súa disposición, permítennos traballar con antelación para que estean a disposición dos nosos comercios xa para campaña do Black Friday e por suposto para todo o Nadal, e durante o ano 2024. O deseño tamén é renovado. Utilizamos a nova imaxe corporativa de Acisa, na que se debuxa o noso SkyLine baixo o slogan de O teu comercio. E tamén inclúen o QR-WEB de Acisa. Deste xeito entramos nos fogares de moita xente, facilitando a posibilidade de que cun fácil escáneo, un veciño de Ribadeo, da comarca ou un turista, estando na súa casa, poida ver a actualidade da asociación, a guía comercial ou hostaleira, a oferta turística ou cultural… isto supón manter a aposta pola dixitalización e a estratexia de achegarnos mais ao consumidor. O tamaño das bolsas é o habitual, de tipo mediano que serve para unha gran maioría dos negocios”.
O xerente de Acisa subliñou que “aqueles asociados e asociadas que desexen estes materiais poden comezar a recollelos nas oficinas de Acisa, na rúa San Roque, 57-baixo, de 9:30 a 14:30 horas ou de 15:00 a 17:00”.
Na presentación desta nova tirada de bolsas para os comercios participaron a presidenta e o xerente de Acisa, Carmen Cruzado e Jesús Pérez, acompañados polo alcalde ribadense, Daniel Vega, e a concelleira de Comercio, Marta Saiz.
Carmen Cruzado agradeceu “a colaboración de todas as administracións coas que contamos e traballamos desde Acisa, a través de subvencións como neste caso, de convenios ou de acordos e proxectos, que sempre buscan o apoio ao tecido empresarial ribadense e sobre todo a súa dinamización económica”.
O mellor comercio da túa vila
A presidenta de Acisa Ribadeo, Carmen Cruzado, animou “á veciñanza a participar na campaña O mellor comercio da túa vila, na que colaboramos coa Federación Galega de Comercio, como nova iniciativa de dinamización comercial. Esta campaña ten como obxectivo promover e potenciar as vendas, e como novidade, premiar a un establecemento comercial con 500 euros”.
Cruzado Iglesias explicou que “os clientes que queiran participar no sorteo de 12.000 euros en premios, repartidos en 20 tarxetas de 300 euros e 40 tarxetas de 150 euros, só teñen que rexistrar as compras que realicen no seus negocio na páxina web https://www.mellorcomerciodatuavila.com/. Deberán facelo desde o pasado 14 de novembro ata o 7 de decembro. Pódense rexistrar todas as compras realizadas polo cliente en cada negocio”.
A presidente de Acisa subliñou que “a novidade desta campaña é o premio ao mellor negocio valorado con 500 euros, que será elixido polos propios clientes. Votar é moi sinxelo, ao mesmo tempo que o cliente rexistra unha compra na páxina web, poderá votar na lista de comercios asociados a Acisa Ribadeo que lle aparecerá. Só se permite un voto por persoa”.
E engadiu: “tamén animamos aos negocios asociados a Acisa Ribadeo a impulsala e dala a coñecer, xa que esta campaña pode impactar directamente neles, podendo gañar un premio de 500 euros, que está moi ben”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
