O despoboamento e a importancia de potenciar o turismo sostible neste territorio que conforman os concellos de Meira, A Pontenova, Trabada e Riotorto será a temática desta edición, que terá lugar os días 10 e 11 de novembro na Casa da Cultura
Lugo, 2 de novembro de 2023. O Deputado de Promoción Económica e Social, Pablo Rivera Capón, participou este xoves no Pazo de San Marcos na presentación da cuarta edición das xornadas Terra de Miranda, que terá lugar os días 10 e 11 de novembro na Casa da Cultura da Pontenova. Esta iniciativa que impulsan os concellos de Meira, Riotorto, Trabada e A Pontenova, en colaboración coa Nova Escola Galega, ten como obxectivo analizar a situación do medio rural desde a óptica educativa e en concreto este ano centrarase no despoboamento e na importancia de potenciar o turismo sostible no territorio.
Este acto contou tamén coa presenza do Alcalde da Pontenova, Darío Campos, o representante de Nova Escola Galega, Paco Veiga, e o organizador das xornadas, Óscar Fernández, así como outras persoas do colectivo.
“Apoiamos estas xornadas porque na Deputación temos un fondo compromiso co rural e sabemos que o futuro da nosa provincia pasa por potencialo, porque é importante falar del, pero tamén hai que apostar por el, dotándoo de infraestruturas e servizos”, sinalou Rivera Capón, que puxo como exemplo desa aposta da institución a rede de centros públicos de atención a maiores, o investimento en infraestruturas ou o traballo co tecido asociativo.
O Deputado puxo en valor o carácter transversal e multidisciplinar das xornadas, que abordan temas de patrimonio, de historia ou de medio ambiente, e deu os parabéns aos organizadores por ser quen de recuperar esta cita que “bebe do pasado para marcar un bo rumbo no presente”, argumentando que o pasado é un “legado vivo que temos que aproveitar para deseñar o futuro”.
Darío Campos sinalou pola súa banda que “a situación do rural é cada vez máis desfavorable, porque os concellos temos cada vez menos recursos e máis competencias” e agradeceu a celebración deste tipo de iniciativas que invitan á reflexión desde puntos de vista “tan acaídos”. O Alcalde da Pontenova tamén deu os parabéns á organización e convidou ás persoas interesadas en pasarse polo concello a tomar parte nestas xornadas a partir do próximo venres.
A Deputación de Lugo colabora con 2.500€ para a celebración desta cita que, durante dous días, abordará na Pontenova diferentes temáticas a través de mesas redondas, relatorios e presentacións. Unha iniciativa que segundo destacou Paco Veiga, conta con preto de 40 colectivos involucrados e un total de 15 persoas forman parte da organización.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
