A Xunta de Goberno aprobou este venres a licitación do contrato, que inclúe tarefas de acondicionamento, así como as emerxencias, causas sobrevidas e as consecuencias das inclemencias meteorolóxicas nas estradas
Lugo, 17 de novembro de 2023. A Xunta de Goberno da Deputación de Lugo aprobou este venres licitar por un importe de máis de 3,5M€ a prestación do servizo de conservación e mantemento dos 4.217 quilómetros que ten a rede viaria provincial, para os dous vindeiros anos 2024 e 2025.
Así o anunciou a Voceira socialista do Goberno, Pilar García Porto, quen informou de que o contrato “está divido en 8 lotes, un por cada zona da rede viaria provincial, co obxectivo de poder actuar dun xeito máis áxil e eficaz”, tendo en conta, subliñou, que “a de Lugo é a Deputación de España con máis quilómetros de estradas, e que multiplica por tres a rede da propia Xunta de Galicia”.
Inclúense tarefas de acondicionamento, así como a atención de emerxencias, causas sobrevidas e consecuencias provocadas polas inclemencias meteorolóxicas nas vías.
Na Xunta de Goberno desta mañá tamén saíron adiante dous novos contratos para o subministración de material para o Parque Móbil da Deputación que suman, en conxunto, un importe superior ao millón de euros. Trátase, por un lado, da adquisición de emulsión asfáltica, por unha contía de case 720.000€, estimada en base a un consumo de 1.250 toneladas semestrais a un prezo de 574€ por tonelada, e prorrogable por outros 6 meses. Por outra banda, a Deputación licita por preto de 380.000€ a compra de áridos de rego asfáltico con zahorra artificial, necesario para realizar os traballos de acondicionamento nas estradas provinciais e municipais.
A Voceira socialista do Goberno anunciou ademais a licitación de obras de mellora na estrada provincial LU-P-0901, a vía que comunica as parroquias de San Juan de Tor con Martín, ao seu paso polos concellos de Monforte e Bóveda, cun investimento de máis de 132.500€. O proxecto ten un prazo de execución de 3 meses e afecta a un tramo de dous quilómetros e medio, entre o punto quilométrico 8,319 e o 10,709. A actuación consistirá na reapertura de cunetas, a pavimentación con aglomerado en quente, e a sinalización horizontal e vertical.
Aprobouse tamén o orzamento definitivo, por unha contía de 150.000€, para as obras de emerxencia necesarias para arranxar os danos provocados polos temporais nas últimas semanas en dous puntos do cinto comarcal, á altura dos concellos do Corgo e de Guntín. No caso de Guntín, as obras xa están finalizadas, e con respecto ás do Corgo comezarán a vindeira semana, segundo detallou Pilar García Porto.
O conxunto desta serie de investimentos aprobados hoxe pola Xunta de Goberno suman un total de 4,8M€ para seguir mellorando a mobilidade na provincia, que é precisamente, destacou a Voceira Socialista, “unha das liñas de actuación prioritarias que mantemos no Goberno provincial e así seguirá sendo, tal e como xa expuxo no Parlamento de Galicia o Presidente da Deputación na súa comparecencia para presentar as liñas estratéxicas do Orzamentos desta institución para o ano 2024”.
Cooperación cos concellos
Por outra banda, a Xunta de Goberno acordou destinar 83.000€ ao Concello de Trabada para a pavimentación de accesos en varios camiños municipais de tres parroquias: Santa María; Santiago da Ría de Abres; e Santa María Magdalena da Valboa.
Así mesmo, a institución provincial aportará 200.000€ ao Concello de Taboada para a adquisición dun camión recolector compactador de residuos sólidos urbanos, “co obxectivo de reforzar os medios técnicos deste servizo público no municipio e ofrecer á veciñanza unha mellor atención”, expuxo Pilar García Porto.
Axudas a 21 asociacións de 13 concellos
Tamén na Xunta de Goberno desta mañá aprobouse o último trámite administrativo que resta para pagar a 21 asociacións de 13 concellos da provincia axudas económicas que suman un total de 115.000€, beneficiarias do Programa para a Dotación e Mellora de Servizos Comunitarios que impulsa a Deputación.
“Gracias a estas axudas, as entidades asociativas puideron acometer diferentes actuacións, como melloras en locais sociais, na traída de auga, o acondicionamento de camiños, instalacións eléctricas, ou a rehabilitación de escolas veciñais”, detallou García Porto.
En total, 54 colectivos beneficiáronse do Programa para a Dotación e Mellora de Servizos Comunitarios, ao que a institución provincial destinou un orzamento de 300.000€ coa finalidade de mellorar a calidade de vida e benestar dos veciños e veciñas do rural.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
