Pablo Díaz lembrou que no 2021 o Alcalde se comprometeu a investir 1,5M€ na creación dun centro para as persoas dependentes e a telo rematado no prazo dun ano e que logo xustificaron o retraso no cofinanciamento da Xunta de Galicia, que se comprometeu a sufragar o 50% dos gastos
Abadín, 24 de outubro de 2023. Os socialistas de Abadín reclaman ao Alcalde que cumpra co seu compromiso de construír unha residencia de maiores no municipio. Así informou o Voceiro do PSdeG no Concello, Pablo Díaz, que sinalou que o vindeiro 9 de novembro levarán a un pleno extraordinario a necesidade de sacar adiante esta dotación social “moi demandada” pola veciñanza.
“Hai máis de tres anos que este grupo presentou unha proposta para levar a cabo a construción dunha residencia da terceira idade no noso concello, algo moi demandado e moi necesario para os nosos veciños e veciñas dende hai moitos anos”, expuxo o socialista. Díaz lamentou ter que solicitar un Pleno extraordinario para abordar o asunto, “o que demostra o nulo interese do equipo do goberno do PP para a súa creación”.
Explicou o socialista que en xullo do 2021 o Alcalde anunciou que o Concello ía crear unha residencia de maiores “no prazo de menos dun ano e que o custo da obra, que sería financiada polo Concello, acadaría os 1,5M€”. Díaz relatou que pasada a data na que tiña que estar rematada a obra, os socialistas presentaron unha nova proposta para obter información sobre a situación na que se encontra. “Soubemos que xa non ía ser financiada polo Concello, que tiñan que asinar un convenio coa Consellería, e que esta ía achegar un pouco máis do 50% do orzamento total, valorado en 2M€”, explicou.
Lamentou tamén o socialista os cambios de criterio do Alcalde, que primeiro anunciou a financiación municipal da residencia para “segundo dixo, poder facela canto antes, e aínda non coñecemos tan sequera o proxecto da mesma a pesar de solicitalo”.
“Non imos permitir que sexa outra promesa incumprida do Alcalde como foron as axudas económicas que ía a dar aos sectores afectados pola pandemia, ou o acordo para o arranxo do céspede do campo de fútbol ou o PXOM entre outros”, sentenciou Pablo Díaz.
Na súa moción, os socialistas fan unha proposta para levar a cabo a construción dunha residencia de maiores “tan necesaria e demandada polas nosa veciñanza e para así poder atender ás persoas maiores e en situación de dependencia no noso Concello”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
