Deputados populares mantiveron esta mañá en Castro unha xuntanza con asociacións, sindicatos agrarios así como gandeiros afectados pola brutal suba do 40% das taxas do centro de recría Gayoso Castro e acordaron seguir defendendo iniciativas na Deputación de Lugo ata conseguir que PSOE e BNG dean marcha atrás e baixen as taxas
Lugo, 6 de outubro de 2023. Deputados do Grupo Provincial Popular na Deputación de Lugo mantiveron hoxe en Castro unha xuntanza con asociacións, sindicatos agrarios así como gandeiros afectados pola suba das taxas do centro de recría público Gayoso Castro, dependente da Deputación de Lugo, que coa actualización dos custes aprobada por PSOE e BNG —o PP votou en contra desta brutal suba do 40%— pasou a ser máis custoso que os centros privados.
O voceiro popular Antonio Ameijide explica que nesta xuntanza acordamos poñer en marcha calquera iniciativa que “poña en valor a vital importancia do sector primario para a nosa provincia”. “Pero non imos quedar aquí, seguiremos realizando xuntanzas con calquera persoa afectada para poñernos a súa disposición”, recalcou.
Neste senso, dende o Grupo Provincial Popular seguirán a defender iniciativas na Deputación de Lugo “ata conseguir que PSOE e BNG recapaciten e se dean conta de que hai que dar marcha atrás a esa suba brutal que aprobaron no pleno de setembro e que situou ao centro de recría Gayoso Castro como un dos máis caros, con prezos superiores aos de centros privados”.
Durante esta xuntanza con gandeiros afectados por esta suba, os deputados populares explicaron que “enténdese” que unha empresa privada tente gañar diñeiro xa que é o seu obxectivo final, “ser o máis rendible posible”, ao que engadiron que “o que non se pode entender de ningún xeito é que a Deputación de Lugo, con José Tomé á cabeza, permite esta situación, dando un golpe moi duro ao sector primario da provincia, o principal motor económico de Lugo”.
Antonio Ameijide afirma que “o obxectivo é que dende o centro se ofreza aos gandeiro lucenses prezos competitivos no mercado de recría e que o servizo que se presta dende este centro público sexa un apoio real para o sector que atravesa momentos difíciles, apostando dende a institución provincial por iniciativas, a corto, medio e longo prazo, que sexan eficaces e que garantan o futuro do centro de recría”.
ALTERNATIVAS PARA BAIXAR AS TAXAS
Os deputados populares puxeron sobre a mesas tres alternativas que se poden tomar para baixar as taxas deste centro de recría público, ademais de escoitar as propostas realizadas polos propios gandeiros afectados.
A primeira medida pasaría por garantir o equilibro da concesión.
Outra das alternativas que se poden poñer en marcha é que a Deputación de Lugo debe de bonificar e asumir parte do incremento das tarifas para que a suba non supoña un prexuízo para os gandeiros tendo en conta eles tamén deben facer fronte ao incremento dos prezos (combustibles, materias primas, sementes, e demais subministracións) e á baixada dos prezos do leite en orixe.
“A Deputación, en parte, nútrese da participación dos tributos do estado, é por elo que ten máis ingresos que pode destinar a paliar sobrecustes coma este provocados pola inflación e porque o goberno central se nega a baixar impostos”, destacaron.
E a terceira vía plantexada polos deputados populares é a posta en marcha da planta de biogás, unha instalación finalizada no ano 2015, que nunca se chegou a poñer en funcionamento, e que tivo un custe de 1.450.000€.
Cando o goberno da Deputación anunciara esta planta de produción de enerxía, afirmaron que proporcionaría 300Kw de enerxía co tratamento de 32.000 metros cúbicos de xurros, estercos e residuos vexetais, o que permitiría que as instalacións, ademais de ser autosuficientes, tamén puideran producir excedentes de enerxía. Quedarían libres uns 2.000mw eléctricos anuais, o suficiente para abastecer 250 vivendas e aforrar 200.0000€ de luz ao ano, así como outros 1.700mw térmicos, o equivalente a 100.000€ de auga quente ou calefacción.
Antonio Ameijide resume a xestión do goberno provincial no centro de recría Gayoso Castro: “aos feitos nos remitimos para afirmar que a actuación dos diferentes gobernos de PSOE e BNG á fronte do centro de recría foron un fracaso absoluto e seguiremos a facer todo o que estea nas nosas mans para que os fracasos de PSOE e BNG non os paguen os gandeiros”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
