Os deputados populares non entenden que no BNG “votasen en contra desta iniciativa” a pesar de que o Grupo Popular aceptou a emenda de engádega que presentaron os nacionalistas e pide coherencia a deputados socialistas que votan distinto en función da administración na que levanten a man
Lugo, 31 de outubro de 2023. Os deputados do Grupo Provincial Popular amosaron a súa sorpresa por ver como os representantes do BNG votaron en contra da iniciativa dos populares para reclamar máis investimentos en infraestruturas na provincia a pesar de que se aceptou a emenda de engádega presentada polos nacionalistas.
O voceiro popular, Antonio Ameijide, explicou que quedou claro que “os deputados do BNG non teñen autonomía propia e están sometidos ao presidente da Deputación, tal e como se demostrou ao votar en contra da súa propia emenda”.
Ameijide ve “curioso” que no Concello de Lugo tanto PSOE como BNG votasen a favor desta iniciativa pero no Pazo de San Marcos votasen en contra “a pesar de que hai deputados, como o socialista Miguel Fernández, que no Concello apoio a reclamación pero na Deputación votou en contra”.
A iniciativa dos populares pretendía que o Goberno do Estado realizase máis investimentos nas infraestruturas clave para a provincia, como as autovías A54 (a Santiago) ou A56 (a Ourense) ou para reclamar que se inclúa a Lugo de novo nos plans de Alta Velocidade xa que Pedro Sánchez condenou á provincia a quedar sen este tipo de comunicación ao negarse a executar as variantes de Rubián, Peares e Canabal.
JOSÉ TOMÉ E A SÚA ACTITUDE DITATORIAL
O portavoz do Grupo Provincial Popular, Antonio Ameijide, condenou durante o pleno da Deputación de Lugo a “hipocrisía” de Tomé e o seu goberno por “falar de criterios obxectivos” cando “se autoerixen como municipalistas, pero entendemos que falan de municipalismo de amiguetes, que é o único que coñecen” tendo en conta que reparten todo o diñeiro en convenios con Concellos gobernados polo PSOE e o BNG, “reservando 0 euros para calquera cidadán da provincia que viva nun Concello gobernado polo PP”.
Ameijide amosouse moi crítico coas formas de Tomé que, por enésima vez “falta ao respeto aos deputados da oposición sen darlles oportunidade de defenderse ao negarse a atender o artigo 116 do Regulamento Orgánico da Deputación Provincial de Lugo”. De feito, “Tomé entende a Deputación como unha ditadura e hoxe volveu a dar unha mostra delo”, afirmou.
O voceiro popular fixo esta reflexión sobre esta situación que se produciu tralo debate dunha moción do Grupo do PSOE para pedirlle á Xunta incrementando os fondos directos aos Concellos a través dun Plan Único cando “o Goberno galego dirixe directamente aos Concellos da provincia 76,5 M€ a través de distintos fondos e axudas e incrementou o Fondo de Cooperación Local nun 17%, non só no 15% que subiu o IPC como reclaman os socialistas”.
O popular defendeu o “reparto xusto e equitativo” da Xunta de Galicia fronte ao “sectarismo e as ditaduras do pazo da Deputación de Lugo”. Así citou durante o debate os 58 convenios con 30 Concellos gobernados por PSOE, BNG e independentes entre xaneiro e maio deste ano por parte do goberno provincial e destacou os apoios da Xunta a Concellos gobernados por distintas cores políticas.
Ameijide tamén considerou “falta de elegancia” que Tomé pida unha reunión co presidente da Xunta tendo en conta que “leva cinco anos sen recibir a moitos alcaldes do PP, nega reunións aos deputados e incluso lles veta a entrada a edificios públicos provinciais. Tomé non é capaz de dar exemplo e pide unha reunión ao responsable do Goberno autonómico sabendo que Rueda se ten reunido en innumerables ocasións con alcaldes do PSOE, presidentes das Deputacións e está a escoitar ás persoas”, engade.
Igualmente, subliñou que “Tomé e o seu goberno non cumpren coas súas competencias como as de manter estradas e instalacións provinciais ou cooperar cos Concellos” e tampouco deu resposta á petición de reunión do grupo maioritario da corporación para tratar os presupostos do ano 2024”. Ameijide tamén lembrou que “nada sabemos da proposta do Grupo Popular de incrementar o Plan Único da Deputación en 6,5M€, a mesma cantidade que o goberno provincial dirixiu en 5 meses a Concellos de amiguetes a través de convenios aprobados a porta pechada”.
Á vista de que “o goberno provincial reparte o diñeiro da Deputación só entre os seus amiguetes”, o voceiro popular lembrou que “a Deputación non é un chiringuito para pagar as carreiras políticas como a de Besteiro, Lara Méndez ou Tomé”.
LEI DE BENESTAR ANIMAL
Antonio Ameijide tamén se amosou crítico coa postura do goberno provincial que se negou a asumir as competencias propias e axudar aos concellos da provincia coas competencias que lles outorga a Lei de Benestar Animal que, recentemente, entrou en vigor.
Os populares lamentan o voto en contra de PSOE e BNG a pesar de que teñen a obriga de colaborar con todos os municipios da provincia, por dous motivos: porque a propia Lei de Benestar Animal así o establece e polo artigo 36 da LRBRL que establece a obriga da Deputación para dar asistencia e cooperación xurídica, económica e técnica aos municipios, especialmente os de menor capacidade económica e de xestión.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
