Francisco Conde asegurou durante unha rolda de prensa na que participaron a presidenta provincial, deputados e senadores, que “o presidente Feijóo encabeza un proxecto político alternativo para España no que ten en conta a Galicia”
Lugo, 2 de outubro de 2023. O PP de Lugo critica que se premie con 450.000 millóns aos independentistas, mentres que a A-54, a Alta Velocidade ou o viaduto de Pedrafita seguen pendentes. Así o destacaron este luns os deputados no Congreso Francisco Conde, Jaime De Olano e Cristina Abades; os senadores María José Gómez e Juan Serrano xunto á presidenta provincial, Elena Candia, que asegurou que “Feijóo sería o único presidente do Goberno que aportaría a Lugo o futuro que merece”.
Francisco Conde cre que na sesión de investidura “o presidente Feijóo ten demostrado o seu liderado e a súa capacidade de trasladar un proxecto político alternativo para España e tamén para Galicia”. É dicir, quedou clara a súa “visión de Estado” a través da “busca de consensos para que España e Galicia poida saír dunha situación económica, política e social complexa”. Mentres que “para o PP os Pactos de Estado son o camiño a seguir; o PSOE atópase atado polas decisións persoais de Pedro Sánchez que é a única referencia do Partido Socialistas, pero que non ten visión de Estado, nin tampouco unha visión clara para Galicia”.
O deputado popular subliñou que “Galicia tamén estivo presente no debate”. Feijóo reclamou “os investimentos pendentes do Goberno con Galicia non só en relación ás infraestruturas viarias e de ferrocarril; senón tamén dende o punto de vista industrial ou das políticas de dependencia”. O deputado popular lembrou que “Alcoa está pechada nestes momentos por unha decisión do Goberno de España que ten pendente a situación de Altri e tamén outras medidas que o Goberno en funcións non está a adoptar. Hai moito que facer”, sintetizou.
O PSOE ENFRONTA TERRITORIOS, O PP DEFENDE A IGUALDADE
Conde asegurou que “Pedro Sánchez está enfrontando aos territorios. A súa política territorial pode traer unha disfuncionalidade dende o punto de vista da igualdade de oportunidades para os diferentes territorios. E o que traslada Pedro Sánchez é que está disposto a gobernar precisamente para reforzar eses desequilibrios e, polo tanto, haxa máis Cataluña e menos resto de España e, polo tanto, menos Galicia”.
“Non podemos apoiar medidas coma a amnistía nin o referendo nin tampouco que poidan compensar a Cataluña con 450.000 euros a costa doutros territorios coma Galicia. Non estamos dispostos a aceptar que haxa compensación económica a Cataluña para que Pedro Sánchez poida ser presidente do Goberno. É unha situación anómala dende o punto de vista democrático, territorial e dos intereses de Galicia”, engadiu.
Neste senso, remarcou que tanto a presidenta provincial coma os deputados nacionais e senadores “reivindicaremos máis Lugo, máis Galicia e igualdade de oportunidades dos españois e dos territorios”.
NOVA COMISARÍA DA POLICÍA NACIONAL
A presidenta provincial, coincidindo co Día da Policía Nacional, explicou que “unha das primeiras iniciativas que rexistraron os populares no Senado foi unha pregunta para que se concrete o futuro dunha infraestrutura para Lugo como é a nova Comisaría”, dando así cumprimento ao compromiso asumido polo Executivo de Mariano Rajoy. “Era un compromiso de tódolos partidos e o Partido Popular non o vai a deixar nun caixón”, remarcou.
Candia lembrou que “a Xunta de Galicia si cumpre e está dando datas para que os edificios que están rematadas empecen xa con actividade”; mentres que “a construción da nova Comisaría -unha infraestrutura imprescindible para que poidan desenvolver o seu traballo nunhas condicións óptimas- segue sen prazos e sen concretarse que se ubique na zona norte da cidade”. O Partido Popular xa ten manifestado que “queremos que sexa especificamente na zona norte e, especialmente, no barrio da Residencia”.
A presidenta do PP lucense recoñeceu o traballo dos representantes no Congreso e no Senado e tamén aproveitou para poñer en valor “o extraordinario e necesario traballo” que desenvolven os efectivos da Policía Nacional na provincia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
