Antonio Ameijide pon como exemplo do abandono de Tomé nas centros de atención a maiores a situación da residencia comarcal de Becerreá, unha infraestrutura rematada hai máis de dous anos e que aínda está sen mobiliario, sen rematar a cocina e co edificio sen conectar á rede eléctrica
Lugo,10 de outubro de 2023. “O compromiso do goberno provincial de PSOE e BNG coas residencias de maiores é nulo”. Así de contundente se amosou o voceiro provincial do PP na Deputación de Lugo, Antonio Ameijide, despois de ver como o presidente da institución, José Tomé, presumía da súa xestión nun encontro realizado esta mañá con usuarios de residencias.
Antonio Ameijide denuncia “a dobre vara de medir” que teñen no PSOE lucense no referente á xestión das residencias. “Eles presumen da súa xestión —externalizada— mentres se permiten a licenza de criticar ás demais administracións o seu modelo de xestión, independentemente do que sexa”, sinalou.
O voceiro popular realizou esta reflexión, sobre todo, por ter coñecemento de que moitas das residencias da Deputación de Lugo teñen queixas de funcionamento por parte de usuarios e traballadores das mesmas, sendo estes centros que están abertos construídos pola extinta Suplusa, o que evidencia que baixo o mandato de Tomé “non se construíu nin unha soa residencia”.
A realidade é que dende o goberno de PSOE e BNG na Deputación de Lugo “abandonouse ás residencias”. “As residencias precisan dun impulso decidido xa que Tomé está a recuar co seu proxecto estrela”, denunciou o popular, ao que engadiu que “tras vender as residencias a bombo e platillo a realidade é totalmente diferente”, tendo como exemplos de abandono os centros de maiores de Becerreá, Guitiriz, Cervantes, A Pobra do Brollón, Courel, Portomarín, A Pontenova, Pantón ou Ourol xa que “sempre atoparon algunha escusa para dilatar a súa apertura ou a súa construción”.
No caso da residencia de Becerreá, a realidade é que as obras do centro remataron hai máis de dous anos, sen que se procedese ao equipamento do mesmo e a súa posta en funcionamento pese a ser unha infraestrutura fundamental para a comarca da montaña luguesa e que terá unha oferta de 136 prazas (96 de residencia e 40 de centro de día).
Segundo os datos aos que tiveron acceso os populares, na residencia de Becerreá aínda falta por rematar a cociña, dotar de mobiliario ou rematar os traballos para conectar o edificio á rede eléctrica.
MÁIS COHERENCIA
Antonio Ameijide pide “máis coherencia” aos socialistas, sobre todo, tras escoitar onte as declaracións do voceiro do PSOE durante o Debate do Estado da Autonomía de Galicia, no que Luis Álvarez loaba veladamente a xestión das residencias que se realiza dende a Deputación de Lugo ao que hai que engadir os ataques dos socialistas lucenses á nova residencia de maiores que en breve abrirá as súas portas en Lugo grazas á colaboración entre a Xunta de Galicia e a Fundación Amancio Ortega. “Non pode ser que cuestionen esta residencia que se construíu en tempo récord, mentres que eles dilatan todos os proxectos, ademais de privatizar os centros de maiores que, ademais, acumulan numerosas queixas de funcionamento”, denunciou.
Unha falta de coherencia que se puido ver hai dúas semanas no pleno da Deputación de Lugo, cando socialistas e nacionalistas votaron en contra de poñer en marcha o comprometido Centro de Atención a Maiores de Cervantes na antiga escola fogar de San Román, un edificio xa construído e que só habería que adaptar. “Vemos como son os do non polo non, xa que os veciños de Cervantes seguen agardando por esta dotación”, lamentou, ao que engadiu que “esta é a proba de que tentan paralizar as residencias xa que se arrepinten do seu propio proxecto”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
