Patricia Otero reclama que flexibilicen unha norma que leva 12 anos amosándose “inoperativa” e “deixen as regras de xogo clariñas dende o primeiro momento”
Santiago de Compostela, 03 de outubro de 2023. A Comisión de Pesca do Parlamento aprobou hoxe unha proposición non de Lei do Grupo Socialista para reclamarlle á Xunta que modifique canto antes o decreto que regula as artes, aparellos e útiles para a extracción de recursos mariños. A portavoz de Pesca do Grupo Socialista, Patricia Otero, presentou esta iniciativa na que empraza á Consellería a dialogar co sector para actualizar unha norma que xa nacera obsolera.
Otero lembrou que o sector marítimo leva pedíndolle á Xunta que flexibilizara esta norma, aprobada en 2011, dende o ano seguinte da súa entrada en vigor, xa que se tiña demostrado “demasiado ríxida e inoperativa”. Ironizou con que a portavoz do PP pedira hoxe “calma e unha reflexión profunda” a pesares de que teñen pasado xa 12 anos despois da publicación desta norma.
A parlamentaria socialista sinalou que “as regras do xogo teñen que quedar moi clariñas dende o primeiro momento” para adaptar a normativa á realidade das necesidades do sector da pesca, e atendendo ás súas demandas.
Sinalou que a norma resulta “excesivamente minuciosa e pouco operativa”, e precisa deixar “perfectamente definidas” as dimensións, características e usos das artes de pesca e marisqueo, salvando ademais os problemas que ocasiona nos portos, sinaladamente pola regulación das boias.
Patricia Otero reclamoulle á Consellería que atenda a esta demanda, que procede do sector da pesca, coa “mesma axilidade” coa que atendeu á petición para cubrir a xefatura territorial de Pesca de Celeiro. Este cargo levaba dous anos baleiro ata que, ironizou, “atoparon á candidata ideal que, casualidades da vida, é a que fora candidata do PP á alcaldía de Viveiro, e que non conseguiu porque a alcaldesa segue a ser a socialista María Loureiro”.
Texto da iniciativa aprobada hoxe:
-“O Parlamento galego insta á Xunta de Galicia a que, no menor prazo de tempo posible, e atendendo ao diálogo co sector, modifique o obsoleto Decreto polo que se regulan as artes, aparellos e útiles para a extracción de recursos mariños”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
