O Pescados Rubén Burela FS consegue os tres primeiros puntos, na casa, mostrando a un equipo con carácter que cada semana se entende mello
Burela, 7 de outubro, 2023. Xornada 3 da tempada de Segunda División de Futsal Masculino, na que tivo lugar o clásico derbi galego Pescados Rubén Burela FS – O Parrulo Ferrol FS hoxe ás 18.45h no Pavillón Vista Alegre de Burela. Despois de comezar con non moi bo pé, o equipo mariñán logrou os tres primeiros puntos no seu terceiro partido, segundo na casa, ante un duro rival e aspirante aos postos máis elevados da táboa cada tempada. Foi un encontro cheo de emoción, bastante igualado e que se solucionou a través de pequenos detalles que marcaron un resultado final 2-1.
Un partido moi parello durante os 40 minutos que durante a primeira parte non viu o gol pero que deixou numerosas oportunidades por ambos bandos levantando en varias ocasións ao case milleiro de espectadores que acudiu a Vista Alegre esta tarde, principalmente de Burela, pero tamén un moi notable número de seguidores do Parrulo que viaxaron desde Ferrol. Gran papel de Mika que demostrou hoxe ser un bo substituto do muro laranxa Michal, ausente pola convocatoria coa súa selección, a polaca, para os partidos clasificatorios para o mundial. O xogador, ademáis de numerosos paradóns, demostrou a súa habilidade co xogo de pés durante todo o partido pero sobre todo na segunda parte, saíndo en numerosas ocasións a media pista. No minuto 7 sae ao borde da área frustrando unha boa oportunidade de Negro de conseguir o 0-1, tamén no 13 só ante un xogador rival detén un tiro moi próximo e de novo no 17 detén coas dúas mans un potentísimo disparo frontal de Aitor, entre outras. Tamén o conxunto laranxa estivo a piques de adiantarse no marcador en varias ocasións como unha de Alberto no minuto 7 que remata de cabeza tras un pase longo de Mika que saca Coro a corner e no que volve sucederse outra oportunidade frustrada para o Burela que volve sacar o porteiro. No minuto 15 Malaguti tamén roza o 1-0 cun fulminante tiro que vai fóra.
A segunda parte comeza forte, un sorprendente gol de Lucho no minuto 21 cun tiro cruzado tras burlar a dous xogadores adianta o marcador a favor do conxunto burelense, aínda que no minuto 22 Iván Rumbo empata o encontro coándoa entre os paus de Mika tras un saque de esquina. O encontro continúa igualado e sucédense as oportunidades. No minuto 29 Malaguti ten unha das oportunidades máis claras do encontro nunha contra tras unha boa combinación con Alberto que asiste ao xogador zamorano que só ante o porteiro non atina entre os paus. No minuto 33 dobre oportunidade para o Pescados Rubén tras un tiro de falta de Ismael e un paradón de Coro que a saca a corner, tras o corner e a perda do Burela Alberto recupéraa en media pista pero non logra finalizar con acerto. Durante os últimos minutos os de David Rial presionan insistentemente, con dominio case absoluto do balón durante os minutos 37 e 38 ata que chega o 2-1 cun golazo de Malaguti, esta vez conseguindo fulminar a portería rival. O Parrulo recorre ao xogo de 5 pero a boísima defensa do Burela frustra toda presión do equipo de Josito Gallego, incluso rozando o terceiro tanto no minuto 39 no que Quelle, que sae a pista por primeira vez no minto 38, acariña o pau cun disparo a portería baleira.
A próxima semana o conxunto laranxa viaxará a Melilla a polos seguintes 3 puntos ante o CD Melistar FS.
Ficha Técnica Pescados Rubén Burela FS 2-1 O Parrulo Ferrol FS
Pescados Rubén Burela FS (2): Mika; Lucho (C), Isma, Alberto, Álex García – quinteto inicial -, Quelle, Nicolás Rosental, Flethes, Charly, Ismael, Iago López, Malaguti y Unai (P)
O Parrulo Ferrol FS (1): Coro; Iván Rumbo, Charly, Adri, Rubén Orzáez – quinteto inicial-, Novoa, Aitor, Pedro, Turbi, Felipe Otto, Negro, Pansi, Álex Moniño y Álex Regueira (P)
Goles: 1-0, min. 21: Lucho. 1-1, min. 22: Iván Rumbo. 2-1, min.38: Malaguti.
Árbitros: Roberto Segundo Amor Vizoso, Borja Darriba Villamor, Manuel Castro Fernández i Eva López Seijas
TA: David Rial, Isma, Malaguti e Charly do Pescados Rubén Burela FS. Novoa, Adri, Álex Moniño e Aitor de O Parrulo Ferrol FS.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
