O tenente de alcaldesa Mario Pillado considera que o evento foi moi proveitoso “dende o punto de vista da aprendizaxe e da adquisición de ideas e experiencias doutras entidades locais de todo o mundo”
Burela, 30 de outubro de 2023. O Concello de Burela, a través do primeiro tenente de alcaldesa Mario Pillado, estivo presente no IV Foro de Cooperación Municipalista da Lusofonía celebrado ao longo da pasada semana en São Tomé e Príncipe.
Pillado sinala que a experiencia foi “xenial dende o punto de vista da aprendizaxe e da adquisición de ideas e experiencias doutras entidades locais de todo o mundo a nivel de xestión medioambiental e desenvolvemento sostible”.
“Pese ós inconvintes e obstáculos que atopamos polo camiño, conseguimos sacar adiante o foro grazas ó traballo e bo facer da organización”, sinala o tenente de alcaldesa logo dos problemas nas conexións aéreas que provocaron o adiamento da sesión inaugural.
“Quero agradecer ó Fondo Galego de Cooperación e Solidariedade e ó Goberno Rexional do Príncipe, co presidente Filipe Nascimento á cabeza, a posibilidade que nos brindaron de participar nesta experiencia”, destacou Pillado en referencia ás entidades organizadoras do foro.
O tenente de alcaldesa celebrou que “todos os participantes deixamos atrás as cores políticas, centrándonos na cooperación e en partillar coñecemento e experiencias”. Reafirmou así mesmo “o compromiso do Concello de Burela co Fondo Galego de Cooperación e Solidariedade, que é cada vez máis forte, polo que xa traballamos en novas ideas, proxectos e actividades”.
Baixo o lema ‘Gobernanza local para o desenvolvemento sostible’, o evento tivo como obxectivo promover o intercambio de experiencias na xestión municipal, incrementar o coñecemento sobre a realidade do Sur Global e fomentar alianzas internacionais.
A delegación galega no mesmo estivo conformada, ademais de por Mario Pillado, por representantes dos concellos de Allariz, A Laracha, Nigrán e Gondomar.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
