Cualifica de “inxustificable” subvencionar centros concertados con ideoloxías “machistas, negacionistas, segregadoras e discrimintorias”
Santiago de Compostela, 18 de outubro, 2023. A través dunha pregunta parlamentaria, a portavoz de Educación, Cristina Fernández denunciou a “política de concertación da Xunta con centros de ensino segregadores por sexo” ao tempo, dixo, que continúa reducindo os recursos do ensino público.
Neste sentido, preguntou sobre o investimento realizado con fondos públicos mediante convenios con centros educativos privados que segregan por sexos e lembrou que Las Acacias e Montecastelo en Vigo, Montesiño en Culleredo e Peñarronda na Coruña son beneficiarios de convenios para os vindeiros 6 anos.
A parlamentaria explicou que o pasado 18 de agosto o DOG publicaba os concertos cos centros docentes privados de educación infantil, primaria, secundaria obrigatoria, educación especial e de FP furando os centros mencionados, “centros educativos que segregan ao alumnado por sexo e que manteñen os concertos coa Xunta e incrementan incluso o número de unidades con respecto ao reparto anterior, o realizado en 2017,pasando de ter concertadas 46 unidades a 58”.
Resulta chamativo, dixo a nacionalista, observar que mentres aumentan as unidades dos centros privados concertados, no ensino público “se reduce o número de aulas drasticamente”. Nos últimos 14 anos, ao tempo que o goberno do PP sigue pagando miles de millóns en concertos coa privada, pechaba 187 centros de Infantil e Primaria; 262 unidades de Infantil, Primaria e aulas Mixtas; 257 unidades menos en Secundaria; 156 menos en Bacharelato e 89 menos en educación de adultos.
“Mentres vostedes concertan para 6 anos, os centros públicos están a sufrir os recortes máis drásticos das últimas décadas en profesorado e especialistas para atención á diversidade do alumnado que máis o precisa”.
Pero o desvío de fondo, engadiu Cristina Fernández, non ten só esa consecuencia porque mentres no ensino público hai que pagar os libros de texto, o material escolar e todos os servizos complementarios de conciliación constatamos como se acaban de comprometer 1.900 millóns de euros para os vindeiros 6 anos mediante concertos co ensino privado.
En agosto, a Consellaría de Educación indicou que os centros que “anteriormente podían legalmente diferenciar ao alumnado en función do seu xénero pasan agora a adaptarse ao establecido na norma estatal” e os centros educativos afectados debían aceptar esta modificación legal para acceder á renovación do concerto.
Os centros concertados continúan segregando por sexo
Sen embargo, nese mesmo mes, diferentes medios de comunicación informaron de que esta práctica de desagregación do alumnado por razón de sexo seguía “vixente nos centros privados concertados de A Coruña e Vigo” e que só ofertaron as prazas de 1º de Primaria aos dous sexos.
A deputada do BNG acompañou as súas criticas con informacións publicadas en diferentes medios de comunicación confirmando que a práctica segregadora continúa sendo unha realidade a pesar de estar prohibida pola Lomloe e a CIG-Ensino, engadiu “acusa a colexios do Opus de saltar a lei e pide á Xunta que vixíe que non segregan alumnado por sexo”.
A portavoz de educación lamentou que o director Xeral de Centros educativos e Recursos, José Manuel Álvarez Bértolo eludira responder ás cuestións relativas á obriga da consellería a que se cumpran as normas sobre o réxime de concertos para os próximos anos e o desglose de nenos e nenas no curso escolar 23/24 nos centros concertados.
Cristina Fernández rexeitou o argumento de Álvarez Bértolo sobre unha “pretendida liberdade das familias” á hora de escoller os centros educativos para xustificar os concertos con centros que segregan.
A deputada do BNG concluíu a súa intervención reclamando a información obxecto das preguntas realizadas relativas aos centros segregadores e o número de alumnas e alumnos matriculados nos mesmos, en cada aula en todos os niveis e etapas.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
