Alfonso Villares detallou as sete actuacións que se recollen para o vindeiro exercicio e que prevén un investimento plurianual de 14 millóns
Ribadeo, 19 de outubro de 2023. A Xunta de Galicia contempla 4 millóns de euros nos orzamentos de 2024 para actuacións de mellora nos portos de titularidade autonómica da Mariña lucense. Así o anunciou esta mañá o conselleiro do Mar, Alfonso Villares, nunha visita ao porto de Ribadeo para presentar as previsións de investimento do seu departamento na comarca durante o vindeiro ano. Tamén puxo en valor as contas da Xunta de Galicia para o próximo exercicio, ano no que mobilizará os maiores recursos na súa historia e reforzará tanto o investimento como o gasto social.
O titular de Mar explicou que os Orzamentos 2024 contemplan en total investimentos en sete actuacións portuarias na Mariña de Lugo que supoñen unha anualidade global de 4 millóns de euros para o 2024 e cuxo importe total do conxunto das obras previstas (con financiación plurianual) ascende a 14 millóns.
Así, detallou que a Xunta prevé investir nas obras de reforzo do abrigo e a ampliación das instalacións para embarcacións menores en Celeiro, o acondicionamento de locais en San Cibrao, o reforzo do abrigo de Burela, a mellora de abrigo en Morás, a remodelación da dársena de Foz e a dragaxe do peirao de Ribadeo.
Esta última é precisamente a actuación con maior orzamento previsto para 2024, cun total de 2 millóns de euros. A tramitación deste expediente atópase na súa fase final e está previsto que os traballos poidan iniciarse antes de finais deste ano. Polo que respecta a Burela, o reforzo do dique de abrigo, pendente de saír a licitación, conta cunha anualidade orzamentaria para 2024 de 830.000 euros. Para o municipio de Viveiro contémplanse dúas actuacións portuarias, a ampliación das instalacións para embarcacións menores en Celeiro, cun orzamento estimado para 2024 de 650.000 euros; e o reforzo do dique de abrigo, tamén do porto de Celeiro, cuxa tramitación previa contará con 30.000 euros no vindeiro exercicio.
Para o porto de San Cibrao, a Xunta contempla nos orzamentos un investimento de 350.000 euros o vindeiro ano, que permitirán executar a obra de acondicionamento do locais de armadores. Finalmente contémplanse partidas de menor importe para outras actuacións que se atopan polo momento en fases máis iniciais. É o caso da mellora do abrigo cun contradique no porto de Morás, a día de hoxe en tramitación ambiental, e para a que a Xunta destina 121.000 euros de cara ao ano que ven; e a remodelación da dársena deportiva de Foz, aínda en fase preliminar, que conta cunha anualidade de 30.000 euros.
As contas da Xunta para o próximo ano
Portos de Galicia constitúe un dos principais artífices da execución de obras da Consellería do Mar e reforzará os seus proxectos de cara a 2024, nun exercicio no que o conxunto da Xunta de Galicia mobilizará máis de 2.800 millóns de euros en investimentos. Esta cantidade elévase un 2,4% sobre a do presente ano e sitúa o esforzo investidor autonómico nesta lexislatura por enriba dos 10.500 millóns de euros.
Alfonso Villares destacou que os orzamentos para 2024 do Executivo galego son os máis elevados da historia da comunidade, con 13.257 millóns de euros, e acadan tamén un gasto social nunca visto, pois a sanidade, educación, políticas sociais e emprego se destinan case tres cuartas partes do total. Ademais son unhas contas que benefician a tódolos galegos ao incluír e consolidar rebaixas de impostos e que, por primeira vez en 16 anos, non recorren ao endebedamento.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
