A secretaria xeral da Igualdade, Sandra Vázquez, participou hoxe en Barreiros na mesa local de coordinación interinstitucional contra a violencia de xénero, onde destacou a importancia da colaboración entre todas as institucións para seguir loitando contra a violencia de xénero e erradicar os comportamentos machistas na sociedade. Vázquez indicou que as vítimas non están soas: “Puxemos, poñemos e poñeremos todos os recursos necesarios para garantirlles un futuro en liberdade, tanto no eido persoal como no familiar, no social e no laboral”, afirmou.
