A Mariña, 5 de outubro de 2023. Rocío López, a alcaldesa de Lourenzá, é a nova presidenta da Mancomunidade de Concellos da Mariña Lucense. Así o decidiu hoxe a asemblea celebrada esta tarde no Cenima, en Foz.
López tivo palabras de agradecemento “para todos os compañeiros e compañeiras que depositaron a súa confianza en min e que me elixiron para ser a presidenta da Mancomunidade de Concellos da Mariña. Asumo este cargo con moita felicidade e sobre todo coa responsabilidade e o compromiso de traballar para o conxunto da Mariña. Síntome en condicións de poder ser útil e aportar cousas positivas para a Mancomunidade. Despois de oito anos gobernando unha dáse conta de cales son as dificultades coas que hai que lidiar no día a día, e soen ser moi similares en todos os Concellos da Mariña”.
A rexedora de Lourenzá dixo crer firmemente na Mancomunidade “tamén como un instrumento de axuda aos Concellos porque a experiencia me di que hai moitas cousas difíciles de sacar a diante individualmente, pero de xeito conxunto son máis fáciles de abordar, se optimizas servizos consegues aforrar custos. Dende hoxe poñereime a disposición de todos os Concellos porque creo firmemente en que o camiño correcto é ir todos da man, deixando de lado as cores políticas, creo nas persoas e nos feitos porque todos buscamos un interese común que é o ben para a comarca. Iso xa se veu demostrando ó longo destes anos xa que cada vez que son máis as cousas que se aproban por unanimidade e creo que iso é de celebrar”.
Rocío López tivo palabras de recoñecemento para o seu antecesor: “quero felicitar enormemente a Fran Cajoto por todo o traballo que desenvolveu ó longo destes anos, porque foi moito e moi proveitoso para o conxunto da comarca. Tomo o seu relevo sendo consciente dese legado que me deixa, deses grandes proxectos que iniciou e aos que eu debo dar continuidade, poñerei sen dúbida todo o meu empeño para culminar todos e cada un dos proxectos. As accións do Plan de Sostenibilidade Turística serán un dos eixes principais nos que seguir traballando para que todos eses proxectos sexan unha realidade”.
A nova presidenta da Mancomunidade considera que “debemos seguir posicionando a Mariña como un xeodestino, temos unha climatoloxía moi favorable e somos moi ricos en recursos turísticos e cada ano gañamos en cifras de visitantes. Debemos aproveitar todo iso e adaptar a oferta turística buscando a desestacionalización fóra dos meses de verán. Seguirei traballando nese eido como o facía Fran para que cada vez A Mariña sexa máis coñecida fóra das nosas fronteiras”.
López substitúe no cargo a Fran Cajoto, alcalde de Foz, que chegou á presidencia da Mancomunidade no 2020. O rexedor é desde hai unhas semanas o deputado de Recursos Sostibles da Deputación de Lugo, motivo polo que considera que chegou a hora de proceder ao relevo na presidencia da Mancomunidade: “considero que non se deben acumular cargos nunha mesma persoa”.
Cajoto fai un balance positivo do seu paso polo ente: “conseguimos o Plan de Sostibilidade Turística para A Mariña, que está a supoñer un investimento moi importante para esta comarca, estamos a falar de 2.225.000 euros destinados a un proxecto de turismo sostible que ten identidade propia e que está en marcha. Acabamos de presentar a campaña do contedor marrón, o da recollida do orgánico para seguir afondando na reciclaxe e na compostaxe na nosa comarca; ademais de facer promoción da Mariña con diferentes propostas moi interesantes fora da campaña estival, por poñer so unas exemplos”.
E engadiu: “deséxolle moita sorte a Rocío López nesta andaina. Estou seguro de que o fará moi ben. As rexedoras e os rexedores desta comarca estaremos con ela para desenvolver todos os proxectos que temos pendentes”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
