Foz, 10 de outubro, 2023. O pasado domingo Xoel Docal competiu representando ó Club Kayak Foz nunha das regatas con maior tradición do calendario nacional, O “Trofeo de Piragüismo Fiestas del Pilar” en Zaragoza, que este ano celebraba a súa 37 edición.
En torno ás 10 da mañá comezaba a primeira regata na que participou, en K1 senior, que gañou ó sprint con claridade empregando un tempo de 14 minutos e 23 segundos para completar o recorrido de 3.500 metros, sendo segundo Jorge Massagues Julián, do “Club Piragüismo La Ribera”, con 14 minutos e 24 segundos; e terceiro Albert Liberal Martínez do “Club Ría de Betanzos” cun tempo de 14 minutos e 29 segundos.
Xa pasado o mediodía, tiña lugar a segunda das regatas nas que Xoel tomaba parte, tratábase do K2 senior, no que formaba parella con Albert Liberal Martínez do “Club Ría de Betanzos”, palista co que xa leva competido en multiples ocasións tanto na súa etapa como palista do Ría de Betanzos, como previamente no Fluvial de Lugo.
Despois dunha primeira volta con numerosas incidencias, os dous padexeiros protagonizaron unha épica remontada durante a segunda, logrando atravesar a liña de meta na primeira posición impoñendose en sprint e empregando un tempo de 12 minutos e 28 segundos, un segundo menos que a embarcación do “Club Deportivo Fuentes Carrionas” integrada por Marco A. Santos García e Jaime Santos Criado Sors. A terceira posición foi para a embarcación combinada tripulada por Marc Martínez Koshytska e Sergio Pereda Domingo.
Un retorno ós orixes por todo o alto, logrando dous primeiros postos que nos próximos días poden ir a máis.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
