Ribadeo, 24 de setembro, 2023. Este sábado 23 de setembro celebramos a mesa redonda dedicada á pintura de Xusto Moreda, así como ao autor. Nun acto ao que asistiron perto de 50 persoas, puidemos escoitar as semblanzas que sobre o pintor ribadense fixeron Myriam Goluboff, Francisco Díaz-Fierros Viqueira e Celia Castro, nunha mesa redonda conducida por Pablo Villapol, xornalista ribadense que escribiu o texto que acompaña ao díptico que é ofrecido a cada visitante que acode a mirar os lenzos de Xusto Moreda á Sala de Exposicións do Parque de San Francisco.
Ao comezo puidemos contemplar unha presentación feita con diversos cadros pintados por Xusto Moreda, realizada por Celia Castro, o cal nos permitiu inrtoducirnos no contido da mesa redonda cunha lembranza visual do máis destacado da obra do pintor ribadense agora homenaxeado.
Posteriormente, Myriam Golubof destacou o lado máis humano e persoal do pintor ribadense, froito da súa convivencia con Xusto Moreda na cidade da Coruña. Pudio botar luz sobre aspectos vitais que influíron na obra do pintor ribadense.
Pola súa banda, Francisco Díaz-Fierros Viqueira analizou o tratamento da paisaxe feito por Xusto Moreda e integrouno no tratamento da paisaxe ribadense feito ao longo da historia recente de Ribadeo por Díaz Fierros e por Amando Suárez Couto, comparando o seu tratamento da paisaxe ribadense co levado a cabo por Xusto Moreda.
En canto á exposición de Celia Castro tivemos a ocasión de poder escoitar uns comentarios ben atinados sobre distintos lenzos de Xusto Moreda (tanto de cadros que están presentes na exposición, como doutros coñecidos a través de catálogos).
Como ben indicou o moderador ao rematar o acto, foron tres visións difernetes, pero moi complementarias, que nos permitiron facer unha imaxe de conxunto do legado pictórico de Xusto Moreda e comprender un pouquiño mías as claves do estilo desenvolvido por el.
Esta exposición e actos complementarios é posíbel grazas á colaboración da Deputación provincial de Lugo, Vicepresidencia (Área de Cultura), así como do Concello de Ribadeo. Pero especialmente é posíbel grazas ao interese que están a mostrar as veciñas e veciños de Ribadeo e concellos limítrofes que está respodnendo á nosa chamada á participación nesta homenaxe colectiva ao pintor ribadense Xusto Moreda.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
