José Tomé Roca mantivo na mañá deste xoves un encontro con José Manuel Albares, quen asinou no Libro de Ouro e foi agasallado cun libro sobre a historia da sede provincial e cunha placa gravada da sede da institución provincial
Lugo, 7 de setembro de 2023. O Presidente da Deputación de Lugo, José Tomé Roca, ofreceu este xoves no Pazo de San Marcos unha recepción institucional ao Ministro en funcións de Asuntos Exteriores, Unión Europea e Cooperación, José Manuel Albares. Un encontro que se produce con motivo da súa asistencia á Conferencia de Alto Nivel sobre Envellecemento da Unión Europea que ten lugar hoxe e mañá en Lugo, organizada no marco da Presidencia Española do Consello da Unión Europea. Esta tarde, ambos dirixentes, xunto á Comisaria
de Democracia e Demografía da UE, Dubravka Suica, e da Alcaldesa da cidade, Lara Méndez, inaugurarán a conferencia.
Na recepción tamén participaron a Alcaldesa de Lugo, Lara Méndez López, o Delegado do Goberno en Galicia, Pedro Blanco Lobeiras, a Subdelegada do Goberno en Lugo, Isabel Rodríguez, o Senador por Lugo, César Mogo, a Deputada de Réxime Interior, Promoción do Territorio e Turismo, Pilar García Porto, e o Deputado de Promoción Económica e Social, Pablo Rivera Capón.
O mandatario provincial agradeceu a visita do Ministro a Lugo, e en particular á sede provincial, pola celebración deste importante evento a nivel europeo. “Esta conferencia sitúa á provincia de Lugo como capital do debate e da toma de decisións en torno ao reto demográfico que supón o envellecemento en amplas zonas do territorio comunitario, sobre todo no ámbito rural”, subliñou Tomé Roca. “A Presidencia de España do Consello da UE é unha oportunidade única para que España amose todo o que pode ofrecer a Europa, somos conscientes do reto que supón, pero afrontámolo con plena confianza nos valores do proxecto europeo, hoxe máis necesarios ca nunca”, afirmou.
O Presidente evidenciou que, unha vez máis, “estamos ante a demostración do enorme compromiso do Goberno de España coa provincia de Lugo, que situou de novo os intereses e as necesidades dos lucenses na axenda política do noso país, despois dos anos de esquecemento e retroceso que vivimos co anterior Executivo”. Un compromiso que se traduciu en “feitos, en medidas e investimentos concretos, como en materia de infraestruturas, pois o Goberno está realizando con 546M€ o maior investimento na historia do ferrocarril en Galicia, tamén en dereitos sociais e laborais, con reformas que benefician especialmente a provincias coma a nosa, ou celebrando esta Conferencia tan relevante no noso territorio”, destacou Tomé Roca.
Así mesmo, o Presidente amosoulle a Albares a súa gratitude pola “empatía e a proximidade coa que recibe sempre os intereses da provincia”. “Estou convencido de que continuaremos con esta relación tan cordial e produtiva entre o Goberno de España e a Deputación de Lugo en favor do avance social e económica de Lugo”, asegurou José Tomé.
Durante a visita, o Presidente da Deputación entregoulle ao Ministro un exemplar do libro Proxectos para o Hospital de Isabel II, o Instituto de 2ª Ensinanza e a Deputación Provincial de Lugo, en recordo pola súa primeira visita ao edificio provincial, e unha placa de cristal coa fachada do Pazo de San Marcos gravada. O representante do Goberno de España tamén asinou no Libro de Ouro da institución.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
