Os populares piden a Tomé que o Consello de Turismo se reúna, polo menos, unha vez cada tres meses e dar voz a todos os membros para, entre todos, mellorar o modelo de xestión, dar maior difusión a estes premios e poñer en valor estes galardóns, que teñen que servir para destacar o traballo que asociacións e iniciativas privadas realizan polo turismo na provincia
Martes, 12 de setembro de 2023. Esta mañá celebrouse na Deputación de Lugo unha nova xuntanza do Consello Provincial Turismo, reunión na que se constatou o fracaso do modelo de traballo nesta materia do bigoberno de PSOE e BNG.
Tanto o voceiro provincial popular, Antonio Ameijide, como a vicevoicera, Carmen José López, participaron desta xuntanza na que se aprobou a concesión dos Premios de Turismo 2023 e, neste ano, só se concederá un dos sete galardóns previstos.
Antonio Ameijide explica que “queda patente o fracaso do modelo do señor Tomé” xa que se trata duns galardóns que comezaron a entregarse en 2020, baixo a súa presidencia, “e que cada ano foron indo a menos ata o esperpento deste ano”.
A única candidatura que se presentou este ano, e que recibirá o seu galardón, é a da Festa da Filloa de Muimenta, candidatura impulsada pola asociación de empresarios deste municipio, que recibirá a distinción dentro da categoría ‘E para comer, Lugo á Gastronomía Lucense’, candidatura que contou co apoio do Grupo Provincial do Partido Popular.
As outras categorías existentes, e que quedaron desertas, son ‘Lugo cambia ao turismo lucenses’ e ‘Premio Turismo Sostible’. Poderán outorgarse un máximo de sete premios nesta convocatoria, correspondendo tres a cada unha das categorías ‘Lugo Cambia ao Turismo Lucense’ e ‘E para comer, Lugo á Gastronomía Lucense’, mentres que na modalidade ‘Premio Turismo Sostible’ só haberá unha distinción.
De todos modos, no caso de que non haxa concorrencia de candidaturas na modalidade de turismo sostible ou se as candidaturas non cumpren coas condicións establecidas, o Consello de Turismo poderá propoñer a súa concesión directa a algunha persoa ou entidade que cumpra os requisitos establecidos. “Estamos ante unha mostra máis do fracaso deste modelo, xa que non foron capaces de propoñer directamente a concesión do premio”, lamentou.
TOMÉ E GARCÍA PORTO, AUSENTES NO CONSELLO
Antonio Ameijide apunta a outra mostra do fracaso do modelo en materia de turismo de PSOE e BNG, xa que nin José Tomé, presidente do consello e da Deputación, nin Pilar García Porto, deputada responsable de Turismo, participaron da xuntanza desta mañá, delegando a responsabilidade no deputado Pablo Rivera. “Está claro que Tomé e García Porto non quixeron estar na foto do seu propio fracaso”, afirmou.
Antonio Ameijide lanza varias propostas a José Tomé para reactivar estes galardóns “que deben de ser unha distinción que sirva para destacar o traballo que realizan tantas asociacións e iniciativas privadas en prol do turismo na provincia e que deberían de ser motivo de orgullo no caso de recibilos en lugar de nin presentar candidaturas”.
Os deputados populares destacan que “apoiamos decididamente estes galardóns, pero cómpre dar unha volta ao modelo e aumentar a súa difusión para que sexan o que deben de ser, unha distinción para poñer en valor o traballo que se realiza dende entidades privadas para mellorar o sector turístico provincial”.
Ademais, consideran necesario realizar varias xuntanzas anuais para “entre todos poder dar o valor que reclamamos a estes premios e así fiscalizar o traballo que se realiza e realizar aportacións naqueles eidos que haxa que mellorar”. Neste senso, piden que o consellos se reúna trimestralmente e dar voz a todos os membros presentes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
