A alcaldesa Carmela López sinala que a iniciativa pretende “poñer en valor os nosos camiños de terra, para que sexan camiños de verdade e poidan ser usados a diario por ciclistas, sendeiristas ou veciños”
Burela, 28 de setembro de 2023. O Concello de Burela e a Brigada Municipal Antiincendios están a planificar e executar a limpeza dos camiños e das pistas de terra públicas. Esta iniciativa pretende que estas vías estean dispoñibles para o uso da veciñanza, ademais de previr incendios.
A brigada comezou traballar o 8 de agosto, e xa limpou os camiños da Pedra Branca, das Pasadiñas, das Areosas, das Carballas, de Lodeiro, Berdeón de Arriba, Berdeón do Avó, Bouza do Cura, Pena Meas, Pardiñas, Souto da Vila, Río da Vila, Fonte de Xanrrei, Campo de Antón e Pena Dagia.
A alcaldesa de Burela, Carmela López, sinala que con estas actuacións preténdese “poñer en valor os nosos camiños de terra, para que sexan camiños de verdade e poidan ser usados a diario por ciclistas, sendeiristas ou veciños”. Terán lugar ao longo dunha superficie total de 7,15 hectáreas.
“O primeiro é limpar os camiños, pero despois hailles que dar uso para que non se volvan encher de maleza, esta é a maneira de evitar que as silvas os volvan pechar”, apunta López. Así, o Concello é o encargado de planificar as actuacións e a brigada de executalas, mentres que se fai un chamado á veciñanza para colaborar no seu mantemento. A limpeza destas pistas servirá tamén para facilitar o acceso ás fincas.
Carmela López avanzou, por último, que “no próximo prego de limpeza no que traballamos estamos abordando a posibilidade de incorporar unha brigada de desbroce para toda a vila”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
